Connect with us

Струмица

Подобрени условите за реализација на воспитно-образовниот процес во речиси сите училишта во Општина Струмица

Media Press

Published

на

Во скоро сите училишта, во Општина Струмица  во текот на летниот период биле реализирани активности за подобрување на условите за реализација на воспитно-образовниот процес во новата учебна година, информираат од општината.

Во ООУ „Гоце Делчев“ од Вељуса извршена е реконструкција на фасада на задниот дел од училишната зграда со површина од 470 метри квадратни.

Во ООУ „Св. Кирил и Методиј“ од Дабиле поставен е порамнителен слој во една училница и во канцеларијата на секретарот и поставување на ламинат во овие простории, набавка на смарт табла, белење на ходниците во училиштето и санација на ѕидовите.

Во ООУ „Сандо Масев“ извршено е варосување на цокле во централното училиште низ сите училници, целосно белење и обновување на внатрешен ентериер на ходниците во централното училиште, лакирање на паркетот во спортската сала, санација и обновување на кошаркарското игралиште во централното училиште, целосно белење и обновување на сите тоалети во централното и санирање на тоалетите во подрачното училиште во Баница.

Во ООУ „Маршал Тито“ од Струмица извршено е брусење на стар паркет во три училници и мал ходник, лакирање и полирање, реконструкција на фасадата на југоисточниот дел на училиштето со поставување на термофасада и реконструкција на под во една училница.

Во ООУ „Видое Подгорец“ извршено е обновувањето на цоклето во ходниците со специјална мрсна боја, поставување на термофасада на училниците за учениците од прво одделение и уредување на патеката до овие училници со поставување на бекатон плочки.

Во ООУ „Даме Груев“ од Куклиш направена е промена на под во 2 училници и поплочување на патеката до училиштето.

Во ООУ „Никола Вапцаров“ извршено е белење на училниците и ходниците во централното училиште, како и во подрачното училиште и се заменети казанчиња, чешми и писоари во ученичките тоалети.

Во ООУ „Маршал Тито“ од Муртино извршено е санирање на влага, поставена е линија за парно греење и заменета електричната инсталација во подрачното училиште во Банско, поставени се нови табли за кошаркарско игралиште и завршено опремувањето на ракометното игралиште во Муртино.

Во ООМУ „Боро Џони“ се набавени УВ прочистувачи на воздух во секоја училница и извршено е генерално чистење на училишната зграда.

Во СОУ „Јане Сандански“ комплетно е завршено белењето во училиштето и делови на фасадата, санирани се кошевите на кошаркарското игралиште, извршено е механичко чистење на училиштето и адаптирана е просторија за аеробик, гимнастика и пинг понг (белење, промена на прозорци, поставување ламинат).

Во СОУ „Никола Карев“ се вршат подготвителни активности за изработка на подвижна трибина во училишната спортска сала и реконструкција на соблекувални (водовод, плочки, санитарии) во спортската сала.

Струмица

Притвор за три лица од Струмица осомничени за грабнување и силување

Media Press

Published

на

Основното јавно обвинителство Струмица донесе Наредба за спроведување истражна постапка против три лица за кои постои основано сомнение дека сториле кривично дело – Грабнување од член 141 став 1 во врска со член 22 и Силување од член 186 став 3 во врска со став 1 од Кривичниот законик.

Осомничените, како соизвршители, на 8 април заеднички грабнале една оштетена со намера да ја присилат на сексуален однос. Тие ја пресретнале жртвата на улица, на сила ја внеле во автомобил и се упатиле кон подземна гаража во центарот на Струмица. Таму насилно ја соблекле и еден од осомничените извршил обљуба.

По предлог на надлежен јавен обвинител, судија на претходна постапка од Основниот суд Струмица донесе Решение со кое на осомничените им определи мерка притвор во траење од 30 дена.

Прочитај повеќе

Струмица

Украла чанта со пари и ги закопала во својот двор, полицијата ги вратила на сопственикот

Media Press

Published

на

Жена од струмичко отишла на гости и украла чанта со пари, по што ги закопала во својот двор.

„Секторот за внатрешни работи Струмица поднесе кривична пријава против З.Г.(44) од с.Старо Коњарево, поради постоење основи на сомнение за сторено кривично дело „кражба“.

Имено на 29 март пријавената отишла во куќата на Л.А. во с.Старо Коњарево и му одзела чанта со пари во различни валути. На 07 април полициски службеници ги пронашле парите кои потекнуваат од кражбата, закопани во дворното место од куќата на З.Г., кои по овластување на Јавен обвинител биле вратени на оштетениот, информира МВР.

Прочитај повеќе

Струмица

Притвор за момче од Струмица кое силувало девојка и за уште две лица кои му помогнале во намерата

Media Press

Published

на

На 09 април во петокот Секторот за внатрешни работи Струмица до Основното јавно обвинителство Струмица поднесе кривична пријава против И.Д. (18) од Струмица, со престојувалиште во село Банско, струмичко, М.Д. (21) и А.Д. (25) и двајцата од село Банско, поради тоа што на 08.04.2021 околу 17:40 часот на ул.„Невена Стојкова“ И.Д. извршил обљуба врз 18-годишна девојка од струмичко село,, а М.Д., А.Д. и уште две лица му помогнале во намерата.Лицата набрзо биле лишени од слобода и по обезбедените докази на 09.04.2021 година биле изведени пред судија на претходна постапка од Основен суд Струмица, кој на тројцата им определил мерка притвор.

Прочитај повеќе