Дечињата од детската градинка во Радовиш, испратија порака за мир со што го одбележаа Светскиот ден на мирот
Со испишани
пароли со кои се испраќа порака за мир и љубов,
дечињата од детската градинка „Ацо Караманов“ од Радовиш го одбележаа
Меѓународниот ден на мирот 21 септември.
Со испишани пароли со кои се испраќа порака за мир и љубов, дечињата од детската градинка „Ацо Караманов“ од Радовиш го одбележаа Меѓународниот ден на мирот 21 септември. Во дворот на градинката дечињата со музика и песнички посветени на мирот, испратија порака за мир.
Мирот започнува со секој од нас, затоа сите заедно да го негуваме кај децата уште од најмала возраст, порача директорката Љупка Тренчева која додаде дека годинава го одбележуваат Светскиот ден на мирот, согласно препораките поради актулената ситуација.
Дечињата испееја и песничка посветена на мирот а секое дете држеше и балон со испишани пароли, кои на крајот ги пуштија во воздух.
Меѓународниот ден на мирот беше востановен во
1981 година со резолуцијата на
Генералното собрание на Обединетите нации. Првиот Ден на мирот беше одбележан
во септември 1982 година.
Во однос на актуелната ситуација со корона вирусот, засега нема никакви проблеми во детската градинка Ацо Караманов во Радовиш. Мерките и препораките се почитуваат и од страна на вработените и од страна на родителите, додаде Тренчева.
Во моментот во детската градинка „Ацо Караманов“ во Радовиш се згрижени околу 320 дечиња од кои 220 во градот и 100 дечиња во наслените места.