Connect with us

Струмица

Усвоен кварталниот извештај за извршување на буџетот на општина Струмица за вториот квартал од 2020 година

Media Press

Објавено на

Советот на општина Струмица ја одржа 38 седница на којашто беше усвоен кварталниот извештај за извршување на буџетот на општина Струмица за вториот квартал од 2020 година. За извршувањето на буџетот во овој период информираше градоначалникот Коста Јаневски.

„Во првите шест месеци од 2020 година, вкупните приходи на буџетот на општина Струмица од планираните 1.237.353.933 денари се реализирани 434.383.940 денари или 35 проценти. Вкупните приходи ги сочинуваат основниот буџет кој е реализиран со 26 проценти во однос на планираното, наменските дотации 50 посто од планираното, самофинансирачките активности 19 посто од планираното, донациите со 27 проценти и во делот на кредити планираните 91.600.315 денари се уште не се реализирани.
Кај основниот буџет, реализираните расходи со износ од 130.188.217 денари се поголеми од реализираните приходи за 17.485.242 денари за кој износ се искажува дефицит кој се покрива од пренесенотот салдо на минатата година на буџетската жиро сметка, дефицит се појавува и кај самофинансирачките активности од 1.736.078 денари којшто исто така се покрива од пренесеното салдо од минатата година. Во однос на минатата година процентот на реализација на вкупните приходи е помал за 4 процентни поени, а кај основниот буџет процентот на реализација е помал за шест процентни поени од минатата година споредено со вториот квартал“, рече градоначалникот Јаневски.

На седницата беа усвоени и годишните планови за вработување во општина Струмица и јавните претпријатија „Струмица гас“ и „Паркиралишта – Струмица“ за 2021 година.

Зелено светло од советниците добија и годишните сметки со финансиски извештај, извештаите за работа во учебната 2019/2020 и годишните програми за работа и програмите за изведување на екскурзии и слободни активности на општинските основни и средни училишта за учебната 2020/2021 година.

Усвоени се и извештаите за работа со завршни сметки на домот за деца и млади „Благој Мучето“ и на библиотеката „Благој Јанков Мучето“ за 2019 година, како и извештајот за работата во учебната 2019/2020 и програмата за работа во 20/21 година на музичкото училиште „Боро Џони“.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе