Македонија
Демократскиот сојуз бара промена на изборниот модел во една изборна единица
Published
4 години agoна
By
Media PressДемократскиот сојуз како дел од победничката коалиција што ја предводи СДСМ, на мандаторот за состав на Владата Зоран Заев му предлага во Програмата за работа на Владата да се вградат и приоритетите од Изборната програма на ДС.
„1. Правна сигурност како основен предуслов за економски развој, странски и домашни инвестиции.
Уставни промени со кои ќе јакне самостојноста на законодавната, извршната и судската власт, ефикасен систем за одговорност на носителите на јавни функции и важење на законите подеднакво за сите граѓани.
Во оваа насока предлагаме коренита реформа на судскиот систем како гарант за владеење на правото, ревизија и реизбор на сите судии и обвинители, кривична одговорност за злоупотреба на судската и јавно обвинителската функција, детектирање на скриениот имот на судиите и сл.
Системски промени за целосна департизација и деполитизација на институциите надлежни и одговорни за откривање и гонење на криминалот, како и за остварување на основните човекови права и слободи. Во овој правец предлагаме целосни безбедносни проверки за секој припадник на МВР, АНБ, АР, военото разузнавање и припадниците на другите институции кои работат на откривање на криминалот.
Реформи за целосно ослободување на бизнисот од влијанието на власта и остварување на функционална пазарна економија.
Да се обезбеди целосна слобода на говорот и изразувањето на сопствен став и мислење. Вистински слободни, професионални и одговорни медиуми, преку системски промени кои ќе ја гарантираат нивната самостојност, објективност и независност.
2. Робусна борба против криминалот, конфискација на имотот стекнат на криминален начин или со користење на влијанието на власта, забрана на политичко дејствување од најмалку 10 години за секој кој ја злоупотребил довербата на граѓаните.
Основа на ефикасната борба против криминалот да биде проектот „ДЕКРИ“ со кој ќе отвориме војна против сите кои во изминатите 30 години го ограбија народот, вклучително и мафијата која ги труе граѓаните со енергенси и опасен отпад.
Предлагаме во првите три месеци од формирањето на Владата на РСМ, да се донесе нов закон за борба против организираниот криминал и корупцијата.
3. Промена на изборниот модел заради подемократско и полегитимно претставување на граѓаните во парламентот.
Демократскиот сојуз предлага во првите три месеци од формирањето на Владата на РСМ, да се промени Изборниот закон со што Македонија ќе биде една изборна единица и ќе има отворени листи.
Да се намали бројот на министрите во Владата за 30 отсто и да се укинат поголемиот број на паралелните агенции, регулаторни тела, разни дирекции и сл.
Предлагаме укинување на пржинската влада и формирање на експертска влада од државната администрација, експерти од соодветните области, од науката и бизнисот, со мандат од дваесет дена, додека трае изборната кампања.
4. Посебна стратегија за младите со која ќе се овозможи младите да имаат избор дали ќе останат во Македонија или ќе заминат во странство.
Предлагаме 2 отсто од буџетот да бидат наменети за отворање на бизнис од младите. Секој кој ќе заврши високо образование ќе може година дена да работи во приватна или во државна компанија со плата од 500 евра од буџетот на државата. Да има бескаматни кредити за стан или куќа и едукација на младите за отварање нов бизнис.
Македонија да биде земја на информатиката.
Да се создадат поволни услови за отварање на над 30.000 мали компании во кои ќе се вработат над 100 илјади млади стручни кадри.
Покрај тоа, да се обезбеди целосна гасификација, субвенции за еколошки енергенси за греење, како и субвенции за купување на над 60.000 автомобили на електричен погон“.
Поврзани содржини
ДЕМОКРАТСКИ СОЈУЗ: Евроинтеграциите ги блокираа ДУИ и СДСМ
Демократски Сојуз: Коалицијата со СДСМ ја напуштивме пред повеќе од една година
Демократскиот сојуз смета дека има мнозинство пратеници да го распуштат Собранието
Демократскиот сојуз предлага минималната пензија да изнесува 300 евра
Демократски Сојуз: Ќе се формира МАКЕДОНСКИ ФБИ за борба против тешките облици на криминал и висока корупција
Демократски сојуз: ДА СЕ ПРОМЕНИ ПРЕГОВАРАЧКАТА РАМКА
Избори 2024
Апасиев од Велес: На овие избори одиме на двоцифрен број пратеници
Published
3 часа agoна
април 19, 2024By
Media PressВчера и официјално Левица ја започна кампањата за Парламентарните избори 2024 од Велес. Во присуство на огромен број граѓани, претседателот на #Левица, Димитар Апасиев заедно со претседателскиот кандидат проф. д-р Билјана Ванковска и носителот во ИЕ 3, Борислав Крмов се обратија пред велешани.
„На овие избори одиме на двоцифрен број пратеници, а на наредните СДС мора да падне под 10 пратеници и да исчезне, а Левица ќе има над 30 пратеници“ порача лидерот на партијата Апасиев.
Избори 2024
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
Published
5 часа agoна
април 19, 2024By
Media Press„Со Мицкоски и ДПМНЕ е можно само враќање назад во изолација и режим, далеку од Европа. Ништо не е променето во ДПМНЕ, тоа е истата режимска партија, која сее раздор, навреди, омаловажувања и закани, која на граѓаните може да им понуди враќање во минатото и изолација“, ова го истакна претседателот на СДСМ, Димитар Ковачевски во обраќањето на митингот на СДСМ и Коалицијата за европска иднина во Гевгелија .
Тој додаде деја ВМРО-ДПМНЕ не нуди никаков план за јасен напредок во евроинтеграциите. „Напротив, се слушаат нивни изјави каде велат дека не треба да станеме членка сто години, а можеби и никогаш. Тоа е доказ дека ја продолжуваат политиката на Никола Груевски. Со нив, Македонија ќе се врати во чекалниците на ЕУ и во темното минато на недемократските процеси“, истакна Ковачески.
Избори 2024
Мицкоски од Охрид: Нашата цел е да ја вратиме Македонија во рацете на народот
Published
5 часа agoна
април 19, 2024By
Media Press„Почнуваме силно и одлучно, во финалната трка од која ќе победи народот на Македонија.„Платформа 1198″ е светилник на надежта, најдобрата изборна програма досега – за преобликување на иднината и јасна траекторија за успех на државата“, порача лидерот на ВМРО- ДПМНЕ Христијан Мицкоски на митингот во Охрид од каде ја стартуваа изборната кампања за парламентарните избори.
„Стојам денес пред вас на неколку дена од првиот круг на претседателските избори, и ви кажувам одговорно и гордо – победуваме!
Нашата цел е да ја вратиме Македонија во рацете на народот! И да ја одземеме од рацете на 100-тина функционери од ДУИ и нивните измеќари од СДСМ!
Победата мора да е голема за да видат сите оние кои се прашуваат дали народот ќе дојде по своето, за да им докажеме и на најголемите скептици кои го потценуваат овој народ, дека Македонија и нејзините граѓани се горди и достоинствени и дека доаѓаат по своето, доаѓаат по својата единствена татковина Македонија. Доаѓаат да си ја земат државата во свои раце, затоа што лошо се живее, затоа што институциите се распаднати, затоа што државата е киднапирана од неколкумина од ДУИ и СДСМ и нема набавка или тендер кој не е злоупотребен, нема работник кој не е разочаран, нема пензионер кој не е загрижен, нема доктор и инженер кој не се прашува што бара тука, нема млад кој не е скептичен, и ретко човек кој не помислил дали да си оди од овде. Накусо нема надеж и сон кои не се уништени“ истакна Мицкоски на митингор во Охрид.