Респираторната болест која ја предизвикува новиот коронавирус SARS-CoV-2, усмрти
повеќе од 659.000 луѓе во светот и ги опустоши економиите во голем број држави. Досега не е одобрена ниедна
вакцина за Covd-19.
Велика Британија потпишала
договор за набавка на 60 милиони дози на можната вакцина за Covid-19 која ја
развиваат компаниите „Sanofi“ и „GlaxoSmithKline“, пренесува Reuters. Станува збор за првиот договор на двете компании за
испораки на експерименталната вакцина за Covid-19 на некоја земја
Како што соопштуваат компаниите, доколку клиничките резултати бидат позитивни, се очекува одобрение од регулативното тело за нивната вакцина во првата половина од 2021 година. Уште пред вакцините да бидат произведени случени се зделки вредни милиони евра.
Обединетото кралство обезбеди 30 милиони дози од потенцијалната вакцина на „БиоНтех“ и на „Фицер“, има и засебна зделка со „АстраЗенека“ за 100 милиони дози. „АстраЗенека“ исто така има договори со уште четири држави од ЕУ – Франција, Италија, Холандија и Германија, за купување на вкупно 400 милиони дози.
САД пак склучија три договори – со „БиоНтех“ и „Фицер“ (вреден безмалку две милијарди долари) за 600 милиони дози, со „АстраЗенека“ за 300 милиони дози и со „Новавакс“ за 100 милиони дози.