Републички совет за безбедност на сообраќајот на патиштата ги повикува сите млади да се приклучат на едукативната акција насловена како „Летна школа за млади мотоциклисти“.
Акцијата ќе се состои од два дела:
– Теоретска настава која ќе биде организирана online;
– Полагање на тест за познавање на сообраќајните правила и прописи.
Право на учество имаат сите лица на возраст од 16 до 18 години кои не поседуваат возачка дозвола од АМ категорија.
Рокот за поднесување на апликацијата ќе биде отворен до 05.08.2020 година, пријавата се поднесува е-маил адресата: edukacija@rsbsp.org.mk.
Од РСБСП известуваат дека секој од учесниците кои ќе се пријават за учество ќе добијат соодветни материјали за учење. Исто така ќе добијат дополнителни информации за начинот и времето за следење на online наставата и тестирањето.
Ќе бидат доделени ваучери за полагање на АМ категорија за најдобрите 5 кандидати од тестирањето. Најдобрите 15 (вклучително и првите 5 кои добиле ваучер за полагање) ќе добијат ваучер за бесплатна обука во автошкола за АМ категорија и истите ќе бидат со времетраење од една година односно ќе треба да се искористат до 31 август 2021 година.
Сите прашања поврзани со едукативно превентивната акција „Летна школа за млади мотоциклисти“ заинтересираните лица може да ги достават на следнава e-mail адреса: edukacija@rsbsp.org.mk