Радовиш
Советот на Општина Радовиш ја одржа 43 седница, уште на почетокот се разви дискусија околу дополнувањето на дневниот ред
Советот на Општина Радовиш ја одржа 43 седница со дневен ред од само 6 точки и една дополнителна точка. Пред усвојувањето на дневниот ред советниците Бојан Митевски и Горан Поцев предложија надополнување на дневниот ред со уште две точки: Предлог за покачување на платите на пожарникарите за 40% за период од два месеци, за нивните активности во текот на корона кризара и Предлог- одлука за доделување на линии за вршење на превоз на патници.
По вербалната доскусија беше дадена пауза од 15 минути за советниците да се договорат, но договор не беше постигнат и точките не беа ставени на дневен ред. Потоа седница продолжи со првата точка, Советнички парашања.
Според предвидениот дневен ред потоа следуваа точките: Предлог одлука за намалување на даночна основа за пресметување на данокот на имот, данок на наследство и данокот на подарок за 50%
Предлог одлука за целосно ослободување од плаќање комунална такса за фирмите регистрирани како даночнни обврзници во даночниот регистар во општина Радовиш
Предлог одлука за намалување на висината на надоместокот за уредување на градежно земјиште во општина Радовиш за 50% од вредноста на сумата за период од јуни до декември 2020 година
Предлог одлука за давање на позитивно мислење за предлог-договорот за воспоставување на јавно приватно партнерство за давање на енергетски услуги за јавно осветлување и овластување на Градоначалникот на Oпштина Радовиуш за потпишување на договорот
Предлог програма за измена и дополнување на Програмата за уредување на градежно земјиште, одржување на комунални објекти и локални патишта за 2020 година во Oштина Радовиш и како дополнителна точка од дневниот ред беше предвидена: Извештај за реализација на програмата за уредување на градежно земјиште и уредување на комунални објекти и локални патишта.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Стартува изборната кампања за парламентарните избори
Гордана Силјановска Давкова: На оваа ужасна пирамида македонска, на врвот има неколку проценти пребогати луѓе, а долу останаа осиромашените
Пендаровски од Гостивар: Ја вративме слободата, изградивме еднакво општество
Димитриевски: Македонија заслужува претседател од граѓаните, кои го даваат легитимитетот за тој што ќе ги претставува и заштитува
