Избори 2020
Заедничка прес конференција на министерот за внатрешни работи Чулев и претседателот на ДИК Деркоски
Објавено на
Од
Media Press
“На 15 – ти јули оваа година се одржуваат предвремените парламентарни избори на кои граѓаните имаат можност да гласаат, односно да го искористам своето уставно загарантирано право.
Улогата на Министерството за внатрешни работи во изборниот процес е јасна, а тоа е: заштита на човековите права и слободи за време на изборниот процес, максимална безбедност на граѓаните, овозможување слободно изразување на правото на глас и секако отсуство на секаков вид на толеранција кон сторителите на кривични дела или прекршоци, нивно навремено откривање и спречување да вршат кривични дела или прекршоци насочени против изборниот процес“.
Ова меѓу другото го истакна денес министерот за внатрешни работи Наќе Чулев на прес конференцијата одржана во министерството за внатрешни работи а посветена на претстојниот изборен процес на која што присуствуваше и претседателот на Државната изборна комисија, Оливер Деркоски.
“Ова се десетти по ред парламентарни избори од осамостојувањето на нашата држава кои се разликуваат од сите претходни по фактот дека се одржуваат во услови кога земјата е соочена со пандемијата од ковид-19“ потенцираше министерот Чулев. Но, како што нагласи – тој факт не треба да не поколеба во намерата да се овозможи тие избори да поминат во мирна, фер и демократска атмосфера.
“Задачата на техничката влада и партиципирање на опозицијата во неа, е во насока на остварување токму на оваа цел. Ние сме цврсто решени дека кога е во прашање регуларноста и законитоста на изборниот процес воопшто нема дилема дека тој треба да биде кристално чист“, изјави Чулев.
Според Чулев сите претходни активности на МВР, но и активностите што претстојат, вклучително и денешната промоција на видео и печатените материјали изработени во соработка со Државната изборна комисија, се јасна демонстрација на таквата намера.
“Денес преку оваа прес конференција и преку целата промотивна кампања која ќе се реализира во следниот период испраќаме јасна порака дека нема простор и толаренција за изборен поткуп, но и праќаме порака дека Министерството за внатрешни работи соодветно ќе ги санкционира сите активности кои ќе бидат насочени кон било каква форма на притисок, заплашување и поткуп на гласачите“, притоа апострофирајќи ја важноста од добрата и тесна соработка помеѓу МВР и ДИК, којашто сама по себе е од исклучително значење за изборите, потенцираше министерот Чулев.
Претседателот на ДИК Оливер Деркоски рече дека овие предвремени парламентарни избори 2020 се јубилејни, 10 по ред и се исклучително важни бидејќи се клучот за европската врата и затоа сите треба да внимаваат како се однесуваат и пред се заради посебната состојба со Ковид – 19, во која се наоѓа државата. Деркоски ги повика и граѓаните да се чувствуваат безбедни и да излезат да гласаат на 15 јули.
Деркоски додаде дека избирачкиот список ќе биде заклучен во среда. Според него 1.814. 000 гласачи ќе бидат на избирачкиот список а во среда ќе се знае конечната бројка
Поврзани содржини

11 возачи лишени од слобода во изминатото деноноќие – осум управувале без возачка дозвола, меѓу нив двајца од Радовиш

Засилени сообраќајни контроли за електрични тротинети, во август одземени 18 електрични тротинети

Сузбиена голема криминална група, ПРОНЕВЕРИЛЕ НАД ДВА МИЛИОНИ ЕВРА

МВР предупредува за лажни пораки за сообраќајни прекршоци!

Изминатите два дена 1433 сообраќајни прекршоци, лишено од слобода 21 лицe

МВР: Кривична пријава против поранешниот градоначалник на Струмица и уште четири лица за „несовесно работење во службата“
Избори 2020
Истече рокот за поднесување приговири до ДИК, Левица поднесе 1.982 приговори
Published
6 години agoна
јули 18, 2020By
Media Press
Пред истекот на рокот, Левица поднесе 1.982 приговори. Како што објави партијата на Фејсбук, приговорите се поради изборни нерегуларности и за да си ги повратат тројцата пратеници.
„На десет минути пред истекот на законскиот рок, во архивата на ДИК, Левица ги поднесе своите 1.982 писмени ПРИГОВОРИ (уредно спакувани во четири регистратори) – за да си ги повратиме тројцата украдени пратеници!“, стои во објавата.
Избори 2020
Три дена по изборите ДИК објави нов закучок, поради како што велат исправка на техничка грешка
Published
6 години agoна
јули 18, 2020By
Media Press
ДИК го објави заклучокот со кој се врши исправка на технички грешки во заклучокот од 16.07.2020 година.
Според новите бројки, зголемен е бројот на граѓани кои гласале и бројот на неважечки ливчиња. Во заклучокот стои дека всушност гласале 943.750 гласачи. Од нив 912.186 се важечки ливчиња, а бројот на неважечки ливчиња е 31.564. Измена има и кај бројот на неупотребени гласачки ливчиња кој од завчерашните 869.889 се зголеми за 624 и сега изнесува 870.513.
Во четвртокот пак ДИК соопшти дека гласале 942.334 гласачи, или за 1.416 помалку од денеска објавеното, а од нив 31.466 биле неважечки.
Според направената исправка излегува дека бројот на неважечки ливчиња е зголемен за 148.
Избори 2020
Двајцата кандидати за пратеници од Радовиш од СДСМ и ВМРО-ДПМНЕ, влегуваат во групата од по десет пратеници во 4 ИЕ, кој се останатите од Југоистокот
Published
6 години agoна
јули 17, 2020By
Media Press
Неофицијално излезноста на предвремените парламентарни избори конечно можат да се видат на веб-страницата на Државната изборна комисија. Според овие податоци излезноста на овие избори била 51,34 отсто од гласачите. Гласале 931.369 граѓани.
Неофицијално владејачката коалиција на СДСМ „Можеме“ освоила најмногу гласови и 46 пратенички места. СДСМ освоила 327.329 гласови, по што следи коалицијата на опозициската ВМРО- ДПМНЕ „Обнова за Македонија“ со 315.344 гласови и 44 места во парламентот со 120 места.
Според резултатите кои вчера ги соопшти претседателтот на ДИК Оливер Деркоски, ВМРО ДПМНЕ и СДСМ ќе освојат по десет пратенички места во четвртата изборна единица.
Од Југоистокот, ВМРО ДПМНЕ ги добива пратениците: Дајанчо Евтимов од Василево, Ели Панова од Струмица, Здравко Трајанов од Радовиш, Ангелина Петкова од Гевгелија и Јадранка Поцкова од Струмица.
Во превите десет на СДСМ, влегуваат: лидерот на партијата, Зоран Заев од Струмица, Марија Костадинова од Гевгелија, Костадин Костадинов од Струмица и Никола Чаракчиев од Радовиш.
Откако вчера беше усвоен заклучокот за конечните изборни резултати од предвремените парламентарни избори во Македонија, започнаа 48-часовните рокови за приговори за спроведувањето на изборите и за сумирањето на резултатите. На нив Државната изборна комисија ќе треба да одговори во рок од 72 часа.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

