Во последните 24 часа се регистрирани 134 нови
случаи на КОВИД-19 од направени 1.173 тестирања, соопшти Министерството за
здравство. Од новите случаи, 97 се од Скопје, 11 од Тетово, 7 од Ресен, 5 од
Куманово, 3 од Струга, по 2 од Крушево и Кичево и по 1 од Прилеп, Велес,
Битола, Кавадарци, Валандово, Кратово и Неготино.Денеска се регистрирани и 8
починати пациенти.
На Клиниката за инфективни болести и фебрилни
состојби починаа три лица од Скопје, пациент (68) хоспитализиран на 6 јуни,
пациентка (65) хоспитализирана на 13 јуни и пациентка (76) хоспитализирана на 7
јуни. Во ГОБ „8 септември“ починаа две лица од Скопје, пациент (77) примен на 6
јуни и пациентка (77) хоспитализирана во болницата на 10 јуни. На Клиниката за урологија почина пациент од
Куманово (68). Во КБ Тетово починати се две лица на 13 јуни, пациент (67) и
пациентка при прием (71). Позитивни резултати на КОВИД-19 на двајцата пациенти
се потврдени постмортем.
Досега во земјата се направени вкупно 45.054
тестирање на КОВИД-19. Од направените тестирања во изминатото деноноќие, 95 се
во рамките на скринингот во градинки во Штип и Охрид, не се регистрирани
позитивни резултати на КОВИД-19.
Вкупната бројка на ковид дијагностицирани во
нашата земја од почетокот на епидемијата изнесува 4.289, бројката на оздравени
пациенти е 1757, на починати е 201.