Технологија
Apple и Google започнаа со известувања за опасност од изложеност на Ковид-19
Објавено на
Од
Media Press
Минатиот месец, технолошките гиганти Apple и Google ја објавија соработката на технологија која ќе овозможи следење на контактите и известување доколку некој е регистриран како позитивен со коронавирус. Неделава таа технологијата официјално ќе започне да функционира.
Како и многу други слични апликации кои преку Bluetooth ги следи контактите на лица на растојание од 2 метри и ги алармира корисниците доколку некој е позитивен на Ковид-19. Податоците се чуваат локално и единствена идентификација на секој корисник е ID-кодот.
„Креираната платформа не е вид на апликација – тоа е API кои што јавните здравствени агенции ќе го вклучат во сопствените апликации кои луѓето ќе ги инсталираат. Платформата е технологија која ќе помогне на таквите апликациии да функционираат побрзо и подобро. Личен избор е на корисникот дали ќе се приклучи на апликацијата. Системот не собира податоци и не користи локација од уредот.
За разлика од централизираниот модел каде што сите податоци стојат на исто место во овој случај телефонот на лицето кое е позитивно го испраќа својот ID до централизираната база на податоци, а потоа системот ја испраќа базата до крајните корисници односно нивните телефони, ако контактот на позитивно лице постои на телефонот како регистриран во негова близина, тој корисник добива известување дека некој од неговите „контакти“ е дијагностициран со коронавирус.
Засега 22 држави на пет континенти имаат пристап до API-то. Apple и Google не откриваат кои се државите кои ја тестираат апликацијата.
Она што е најважно е дека апликацијата сама по себе нема воопшто да помогне. Потребно е што поголем број граѓани да ги прифатат овие апликации и да се користат во што е можно поголем број.
Од Google и Applе известуваат дека технологијата е привремена и како што државите ќе излегуваат од епидемија, така ќе се исклучуваат овие функционалности.
Поврзани содржини

Google претстави стандард кој ќе ги замени физичките пасоши и клучеви со вашиот телефон

Пад на акциите на “Apple” Немирите во кинеска фабрика ја уриваат вредноста на една од најмоќните компании во светот

Расте бројот на Ковид- позитивни и во Радовиш, 13 нови случаи во денешната евиденција, во Струмица 47

Регистрирани сe 7.170 оздравени пациенти со што бројот на активни случаи се намали на 13.628

Радовиш досега со најголем број нови случаи на Ковид- 19 за два дена. Дали е резултат на празничното дружење?

24 нови случаи на Ковид -19 во општините во Југоистокот според последните податоци
Технологија
Анкета: Ова е најлошо оценет “iPhone Pro” модел досега
Published
3 години agoна
ноември 3, 2023By
Media Press
Новиот iPhone 15 Pro не ги добива најдобрите оценки од корисниците.
Веб-страницата за прегледување PerfectRec анализираше 690.000 прегледи на корисници и откри дека раните прегледи на потрошувачите биле полоши од минатогодишната линија на iPhone 14. Студијата покажа дека 73 отсто од корисниците му дале на iPhone 15 Pro оцена со пет ѕвездички.
На прв поглед оваа бројка изгледа добро. Но, кога ќе се спореди со некои минати Pro модели и како тие поминаа кај корисниците, оваа бројка претставува пад. Така, iPhone 14 Pro собра 76 отсто, а iPhone 13 Pro 83 отсто од оценките со пет ѕвездички. Значи, тоа е прилично пад за само неколку години.
Врз основа на податоците, 15 Pro има најмалку прегледи со пет ѕвезди од кој било Pro модел што Apple некогаш го има произведено. Сепак, од позитивната страна, основниот модел и Plus забележаа зголемување на оценките со пет ѕвезди во споредба со претходната генерација.
Но, постојат некои причини зошто iPhone 15 Pro можеби не е толку популарен како претходните модели Pro. Како што веќе пишувавме, новиот телефон имаше проблеми со прегревање, иако ажурирањето на iOS го реши тој проблем.
Како што пишува Mashable, некои корисници истакнале дека имале проблем со „burn-in“ на OLED екранот на iPhone. Сето тоа лесно можеше да влијае на првичниот рејтинг на овогодинешниот Pro модел. Се разбира, 73 проценти од корисниците сè уште го сакаат својот нов iPhone 15 Pro.
Во наредните месеци, како и со дополнителните надградби за iOS на Apple, сосема е можно овој рејтинг да се подобри.
Технологија
Шведска го гради првиот пат во светот кој ќе ги полни електричните возила во движење
Published
3 години agoна
ноември 3, 2023By
Media Press
Станува збор за делница од 21 км.
Шведска го гради првиот постојан електрифициран пат во светот кој ќе ги полни електричните возила додека се во движење. Државата веќе реализираше четири пилот проекти, односно изгради четири привремени електрифицирани патишта, вклучувајќи го и градот Лунд. Но, оваа патна делница од 21 километар ќе биде постојана.
Електрификуваниот пат го гради шведскиот транспортен орган Трафикверкет, кој во моментов работи на изнаоѓање изведувач за проектот. Трафикверкет сè уште не ја избрал технологијата за полнење за револуционерниот проект, но дизајнот и изградбата се очекува да бидат завршени во 2025 година, а патот наскоро да биде отворен за сообраќај.
Трафикверкет разгледува три опции, надземни инсталации, електрични шини вградени во асфалтната површина кои ја пренесуваат EV енергијата преку проводник под возилото или индуктивни намотки вградени на патот кои безжично ја пренесуваат електричната енергија до возилото, пишува Revijahak .
Електрификуваниот пат ќе биде поставен на автопатот Е20, меѓу Халсберг и Оребро. Автопатот се протега помеѓу Стокхолм на север, преку Гетеборг и Малме на југ – и е избран намерно бидејќи е сообраќаен коридор за комерцијален транспорт на стоки. Го има и потребното напојување.
Шведскиот универзитет за технологија Чалмерс објави студија во март, во која се сугерира дека комбинацијата на електрифицирани патишта на 25 отсто од најпрометните национални и европски патишта и домашно полнење на електрични возила би било оптимално за преминот кон електрични возила.
Научниците тврдат дека тогаш батериите во електричните возила би можеле да бидат значително помали.

Пристигна четвртата генерација на моделот Škoda Superb, со дизајн кој комбинира елегантни линии со нови фарови и традиционален дизајн инспириран од чешкиот кристал.
Моделот ќе биде достапен како лифтбек со практична задна врата и како комби варијанта на караван. Осветлувањето е подинамично од претходните модели, а фаровите се достапни во две опции.
Исто така, од Škoda велат дека аеродинамиката на овој модел е подобрена, а Superb сега е подолг и повисок од неговите претходници, па има должина од 4912 mm, ширина од 1849 mm и висина од 1481 mm. Меѓуоскиното растојание е 2841 mm.
Škoda им нуди на купувачите на новиот Superb шест погонски единици, со моќност од 160 до 265 КС.

Палетата вклучува 1,5-литарски TSI бензински мотор кој развива 150 КС и е комбиниран со хибридна технологија, што е, исто така, првпат Škoda да примени стартер генератор со појас од 48 волти и литиум-јонска батерија од 48 волти. Врвен.
Има уште два бензински и два дизел мотори, а како и 1,5-литарскиот TSI, тие се споени со седумстепен DSG менувач.
Два 2,0-литарски TSI мотори развиваат 204 КС и 265 КС, додека два 2,0-литарски TDI мотори произведуваат 150 и 193 КС. Најмоќните бензински и дизел мотори доаѓаат со погон на четири тркала, а од Škoda истакнуваат дека сите тие го исполнуваат стандардот Euro 6d.

Покрај овие верзии, клиентите ќе можат да изберат уште една со plug-in хибриден погон, која е достапна исклучиво за комби караванот.
Станува збор за 1,5-литарски TSI мотор од 150 КС, кој е комбиниран со батерија со капацитет од 25,7 kWh, што е двојно поголема од претходната и која овозможува автономија до 100 km (40 повеќе отколку во случај на неговиот претходник). Вкупната моќност е 204 КС, а на предните тркала се пренесува преку шестстепен DSG менувач.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

