Македонија

До крајот на неделата Владата ќе процени дали е потребна нова вонредна состојба, од што ќе зависи и датумот за изборите

Како што изјави вчера премиерот Оливер Спасовски, до крајот на неделата ќе се направи проценка, дали е потребно прогласување нова, трета вонредна состојба. Ако се увиди дека има потреба, вонредна состојба повторно ќе се воведе. Ако е потребно тоа, ако се неопходни условите дека преку вонредна состојба полесно се справуваме со целата оваа ситуација


„Датумот на изборите е детерминиран со Уредбата со законска сила, која има важење до завршувањето на вонредната состојба. Во оној момент кога ќе заврши вонредната состојба за 22 дена треба да се одржат избори во Република Северна Македонија. Тоа е фактичка состојба.

Затоа треба да се реализираат изборите во првиот можен рок. Мораме да бидеме принципиелни, а изборите да бидат во оној момент кога ќе има најмногу створени услови.

Една од одговорностите на оваа Влада е да направи сѐ, колку што е можно побргу, да им ја обезбедиме новата нормалност на граѓаните. Сите што се спротивставуваат на новата нормалност придонесуваат земјата да ни остане во здравствено-економска криза, а тоа не е одговорно однесување„ рече Спасовски на вчерашната прес конференција.

Инаку политичките партии имаат разчични ставови во однос на датумот за одржување на изборите. Од СДСМ велат дека изборите треба да се одржат на крајот на јуни или почетокот на јули, додека од ВМРО ДПМНЕ како најдобра опција го предлагаат терминот, крајот на август и почетокот на септември.

Од СДСМ  и вчера порачаа дека се потребни избори за да се обезбедат целосно функционални институции, но истовремено да се заштити здравјето на граѓаните, поради очекувањата за нов бран со вирусот КОВИД-19.

Опозициската ВМРО-ДПМНЕ, пак, го повтори обвинувањето дека СДСМ сака избори по секоја цена, укажувајќи дека Државната изборна комисија доставила мислења каде јасно пишува оти им се потребни 35 до 60 дена за спроведување на изборите.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

4 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

6 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago