Во ТППЕ во Радовиш 20-ти мај Денот на македонските пожарникари се одбележа работно
Денеска се одбележува 20-ти мај Денот на македонските пожарникари.
Во ТППЕ во Радовиш овој ден се одбележа работно, без посебни активности. Командирот Васил Митев, вели дека во моментот пожарникарите
се добро опремени со опрема за лична заштита но проблем и се возилата.
Најстарото против пожарно возило во пожарната во Радовиш
датира од 1974 година и како што вели командирот Митев тоа им е и највредното
возило поради големиот капацитет на вода. Тој упати апел до граѓените да не
палат оган на отворени површини, за да не дојде до пожари.
Пожарната во
Радовиш располага со 22 пожарникари кои успешно се справуват со пожарите на
териториите на општините Радовиш и Конче.
Почетоците на противпожарната професија во Македонија датираат од далечната 1836 година со формирањето на првата
противпожарна единица во Битола.
Во земјава постојат 30
територијални противпожарни единици, кои ја покриваат територијата на сите 80
општини, а 14 од овие единици се републички противпожарни сили, односно
дејствуваат на целата територија за гаснење на големи пожари.
Според податоците на Дирекцијата за заштита и спасување државата располага само со половина од потребниот број на професионални пожарникари во територијалните противпожарни единици.