Проблемот со водоснабдувањето во Радовиш кој го имаше посебно во летниот период целосно ќе биде решен. Во завршна фаза е новиот резервоар за вода на Коџа Баир во Радовиш, проект кој се реалзира преку програмата за водовод и канализација.
Проектот опфаќа изградба на нов цевковод од нов резервоар во Коџа Баир до нов резервоар во Куклевица. Нов цевковод од населба Раклиш до резервоар во Куклевица и нов цевковод до дистрибутивната мрежа. Потисен цевковод од пумпна станица Куклевица до спојна шахта Раклиш. Набавка, инсталација и пуштање во употреба на мерно регулаторна опрема. Денеска беше извршено и првото тестирање на новиот потисен цевковод од пумпна станица Куклевица до новиот резервоар на Коџа Баир.
Вредноста на проектот е околу 53.300.000 денари средва кои
Општина Радовиш и ЈП Плаваја ги обезбедија
преку KFW Банката.
Инаку во овој период
Општина Радовиш наликува на вистинска градежна офанзива, се резелизираат повеќе проекти. Во тек е реконструкција
и асфалтирање на делница од 7 километри од Регионалниот пат кон планината Плачковица,
проект кој се реализира после 40 години.
Изградена е нова улица со мал булевар во Коџа Баир со што
за граѓаните кои што живеат во овој дел
на градот е решен еден голем проблем околу пристапот до своите домови. Тие
коментираат дека конечно повеќе нема да газат кал, посебно во зимниот период. Во завршан
фаза е и кракот на улица Дане Трајков. Во тек се градежните активности на мостот на реката Марлада во
Раклиш, на коритото
на р.Сушица, и на повеќе улици во општината.
Од денеска започнаа градежните работи за уредување на новиот паркинг простор за
потребите на полициската станица, позади општинската зграда, со што вработените ќе имаат свој паркинг простор.
Од Општина
Радовиш информираат дека наскоро ќе започне обновата на другата коловозна лента на
булеварот А.Македонски и изградба на улици во селата Јаргулица,Калугерица,
Ораовица и центарот на Покрајчево. А Подареш ќе добие ново мултифункцинално
игралиште.