Connect with us

Македонија

Со одавање почит на загинатите бранители и свечената церемонија одбележан 7 мај во кругот на МВР и Полицискиот центар ,,Ѓорче Петров,,

Виолета | Media Press

Published

on

Денеска, 7 мај во кругот на МВР и Полицискиот центар ,,Ѓорче Петров,, беше одбележан „Денот на македонската полиција“. Одбележувањето на – ,,Денот на македонската полиција“ започна со оддавање на почит на спомен обележјата на загинатите бранители со положување свежо цвеќе во кругот на министерството од страна на највисокото раководство на МВР во придружба на претставници од различни организациони единици, семејствата на бранителите и  македонскиот полициски синдикат.

Свечената церемонија продолжи во Полицискиот центар ,,Ѓорче Петров,, каде што раководството на МВР, дел од вработените, семејствата на бранителите, поканетите гости од Дипломатскиот кор имаа можност да го проследат обраќањето на министерот  за внатрешни работи Наќе Чулев, неколку показни вежби од страна на Единиците на МВР како  и доделувањето плакети за посебен придонес и заложба во работењето на министерството  за вработени во МВР и плакети за благодарност до  претставниците на Дипломатскиот кор .

Во своето празнично обраќање министерот Чулев истакна дека: „Денешниов празник го одбележуваме во едни сосема поинакви околности, кои што ни даваат јасен увид за значењето и улогата на полицијата и во кризни состојби, како што впрочем е актуелната пандемија од “Корона“ вирусот“. „Демонстрираната организираност, исполнителност, законска дисциплинираност, и пожртвуваност на сите припадници на Министерството за внатрешни работи, во исполнувањето на сите зададени обврски и задачи во справувањето со пандемијата и примарно – во зачувувањето на човечките животи како бесценета вредност на секое општество, е јасен показател за потенцијалите и кредибилитетот на македонска полиција.“ Во еден хронолошки контекст ние денес можеме сосема, со мирна совест, да констатираме дека во сиве изминати децении раст и развој на Министерството за внатрешни работи, беше вложен огромен напор и професионалност на генерациите наши претходници, прилагодувајќи го системско-институционалното устројство на македонската полиција на потребите на општеството. Понекогаш поуспешно, понекогаш помалку успешно, но секогаш без исклучок насочени кон остварување на нашата приоритетна цел – јавниот ред и мир, и безбедноста и сигурноста на граѓаните.

Поминавме низа фази на реформи во сите сфери на полициското работење. И тоа од нормативната во сфера преку носење на законски одредби што ќе не доближат до европските стандарди во полициското работење, техничко-технолошки, кадровски, структурални и организациски промени, односно надградби. Сето тоа, како во насока на континуирано следење на трендовите во полициското работење, така и во насока на максимална ефективност и ефикасност во функционирањето на тој сложен систем врз кој што почива министерството за внатрешни работи.

Министерот Чулев ja истакна својата лична увереност дека македонската полиција, не само во контекст на актуелните кризни случувања, туку и пошироко во сите други домени од своето работење ќе остане непоколеблив гарант во заштитата на уставно-правниот поредок, на спроведувањето на законите, на личната и имотна сигурност на секој наш човек. На сите наши колеги им го честитам 7-ми Мај , Денот на македонската полиција, и ви пожелувам успеси како на професионален така и на личен план“, го заврши своето обраќање министерот Чулев .

Дополнителната заменик министерка Славјанка Петровска им го честита Денот на полицијата на сите сегашни, но и поранешни припадници на МВР.

Македонија

Казни за 533 лица за неносење заштитна маска

Виолета | Media Press

Published

on

Полицијата вчера казнила 533 лица за неносење заштитна маска, што е законска обврска од 1 мај.

„Во текот на изминатото деноноќие на територијата на Република Северна Македонија по однос на мерката за неносење лична заштита на лице регистрирани се 533 прекршоци“, соопшти МВР.

Инаку секојдневно има казни за непочитување на мерката и во Југоистокот. Само вчера 60 лица не ја почитувале мерката како што соопшти СВР Струмица.

Министерството апелира до граѓаните да ги почитуваат мерките и протоколите донесени од Владата со цел справување со Ковид -19.

Continue Reading

Македонија

Министрите Шахпаска и Филипче се сретнаа со дел од родителите кои ја користеа мерката за продолжено породилно отсуство

Виолета | Media Press

Published

on

Министерката за труд и социјална политика Јагода Шахпаска и министерот за здравство Венко Филипче синоќа во Владата остварија средба со дел од родителите, кои ја користеа мерката за продолжено породилно отсуство, а кои реагираа на Одлуката на Владата на 23 септември 2020 година сите родители од 0 до 6 години да се вратат на своите работни места, поради тоа што градинките стартуваа со работа на 9 септември. 


Двајцата министри им пренесоа дека Одлуката е донесена врз основа на сериозна анализа за безбедноста на децата во градинките,  во консултација со Комисијата за заразни болести, како и врз основа на информациите дека во јавните установи за згрижување и воспитување на децата целосно се почитува Протоколот за активности во установите кој на минимум го сведува ризикот од ширење на КОВИД-19. Оттука логично е после отворањето на градинките, родителите да се вратат на работниот процес, соопштуваат од владината Прес-служба.
Претставничките на дел од родителите информираа дека стравуваат за здравјето на нивните деца и затоа сакаат да го одложат тргнувањето на нивните деца во градинка до почетокот на идната година, но и дека им треба подолг период на адаптација.  


Министерот за здравство Филипче нагласи дека сите предвидени Протоколи, вклучително и тој за работа на градинките,  се дефинирани според  строги епидемиолошки правила и се целосно медицински издржани.
„Имаме целосно разбирање за вашата грижа. Затоа внимателно пристапуваме кон секоја одлука и од тие причини шест месеци го продолжувавме породилното отсуство. Но, како и во сите држави во светот, мора полека да се враќаме во нормала и затоа внимателно, преземајќи ги сите превентивни мерки, градинките ги отворивме и создадовме услови родителите да се вратат на работниот процес“, рече министерот Филипче. 


Од друга страна министерката Шахпаска информираше дека во градинките, според информациите од терен има доволно простор за приоритетните групи, односно за децата на самохраните мајки и за семејствата во кои двајцата родители работат.  


„Градинките имаат капацитет за безбедна и целосна грижа на сите деца.  Според Протоколот предвидовме приоритет за оние семејства на самохрани родители и двајца вработени, на кои тоа навистина им е неопходно. Градинките имаат  капацитет од  19.000 места, а како приоритетни пријавени се 14.555 деца. Тоа значи дека бројката од самиот почеток не беше целосно исполнета, а  имавме и случаи кога децата не престојуваа во градинка, а беа пријавени како приоритетни“, нагласи Шахпаска.


Таа дополнително информираше дека  по Одлуката на Комисијата за заразни болести да се зголеми капацитетот на групите од 0 до 2 години од шест на 12 деца, дополнително е зголемен капацитетот за прием на деца.
Во однос на забелешката на претставничките на мајките дека враќањето во работниот процес ќе биде проблем и за родителите на децата од 6 до 10 години, министерот Филипче нагласи дека мерката за нив е укината уште од 7 јули 2020 година и оттогаш тие се на работа. 
Министрите Шахпаска и Филипче им најавија на претставниците на дел од родителите дека нивните забелешки ќе бидат пренесени на Владата, стои во соопштението од Влада. 

Continue Reading

Македонија

Расте бројот на нови случаи заразени со корона вирус во Југоистокот

Виолета | Media Press

Published

on

Во последните 24 часа во Македонија седум лица починaа од коронавирус, а потврдени се 186 нови случаи од 1.674 тестови, соопшти Министерството за здравство. Оздравеле 85 пациенти.

Најголем број нови случаи се потврдени во Скопје-56, Гостивар – 18, Кочани-17, Куманово-16 и Тетово – 10. Повторно двоцифрен број во Струмица-12, во Штип-8, Прилеп-7,  Струга-6,, Битола-6, Охрид-2, Кавадарци-4, Гевгелија-5, Крива Паланка-3, Делчево-4, Кичево-3, Свети Николе-2, Радовиш-2, Велес-1 Пробиштип-1, Македонски Брод-1, Валандово-1 и Ресен-1.

Починати се седум лица, еден пациент од Куманово (53г), двајца пациенти од Струга (68 и 70г), еден од Гостивар (61г) и тројца пациенти од Делчево (43,60 и 78г). Сите пациенти се починати во болнички услови.

Денеска Институтот за јавно здравје регистрира 85 оздравени пациенти од: Скопје-19, Дебар-2, Штип-4, Прилеп-13, Тетово-2, Струга-4, Охрид-9, Гостивар-9, Гевгелија-5, Струмица-1, Крива Паланка-1, Радовиш-2, Кочани-2, Пробиштип-1, Македонски Брод-3, Берово-4, Делчево-1, Свети Николе-2, Кичево-1.

Вкупната бројка на ковид дијагностицирани во нашата земја од почетокот на епидемијата изнесува 16.274, бројката на оздравени пациенти е 13.635, на починати е 675, а во моментов бројот на активни случаи во земјата изнесува 1.964.

Continue Reading