Connect with us

Македонија

Топ пребарувања на Македонците за изминатиот период

Media Press

Објавено на

Во изминатиот период според Alexa, на првото место на листата во анализата доминираат Google.com и Youtube.com на првото и второто место пред time.mk и reklama5.mk. Социјалната мрежа Facebook во Македонија се наоѓа дури на петото место. Во остатокот од Топ 20 се појавуваат и Daily.mk, Crnobelo.mk, Kajgana.mk.

Најчесто пребарувани поими според Google, Македонците најмногу пребарувале преведувач односно „translate“, потоа градот Скопје и на третото место на оваа листа се најде социјалната мрежа Facebook. На листата се најдоа и поимите „Резултати“, „Временска прогноза“ и „ЈСП“


Во Македонија, статистиката покажува дека 81% од популацијата користи интернет или 1,69 милиони корисници. Во споредба со минатата година, бројот на интернет корисници се искачил за 0,01%.

Што се однесува до брзината на интернет конекциите, просечната брзина кај мобилните интернет врски изнесува 49.27 Mbps што е за 29% побрзо од минатогодишниот извештај и за фиксните врски брзината изнесува 30,34 Mbps. Во однос на фиксните врски, брзината на преносот на податоци е зголемена за 31% од минатогодишниот извештај.

Во извештајот од минатата година стои дека порастот на брзината на мобилните врски е 3,8% што оваа година имаме 7,6 пати зголемена брзина. Брзините на фиксните линии не се во толкав подем и изнесуваат само 2,5 пати поголем пораст.

Над 1.10 милиони Македонци се активни на социјалните мрежи, односно 53% од популацијата. Се плаќаат 2,27 милиони претплати за телефони, што е 109% од популацијата на Македонија. Водејќи се по податоците, 1 милион или 48% македонци користат друштвени мрежи на своите телефони.

Најпопуларна платформа и натаму е Facebook со 970 илјади корисници, по што следат Instagram со 620 илјади и Twitter со 129 илјади. Интересно, четврта мрежа според популарноста е LinkedIn со 240 000 корисници. Од сите Facebook корисници, околу 56,1% се мажи и околу 43,9% се жени. Просечниот корисник во Македонија „лајкнал“: 2 facebook-страници откако е присутен на Facebook; Лајкнал 21 пост во последните 30 дена и искоментирал 5 пати на постови.

Интересни податоци добиваме и од YouTube пребарувањата. во изминатиот период во анализата направена од „DataReportal“ на YouTube најчесто го пребаруваат реалното шоу „Задруга“. На второ место на оваа листа најмладите го пребаруваат популарниот македонски јутубер „GP“, по што следи и „Задруга во живо“. Во листата во Топ 20 пребарувања на YouTube се наоѓаат и „2 Бона“, „Парови“, „Бака Прасе“ и „Ѕвездите на Гранд“.

Од гејминг секцијата, најмладите ја пребарувале супер популарната видеоигра „Fortnite“ и „Minecraft“ и после младиот „GP“, познат јутубер на оваа листа во Македонија се најде и Шведскиот јутубер „PewDiePie“.

Секако, да не ја заборавиме и статистиката за користење интернет на оперативните системи. На оваа листа во Македонија доминираат „Android“ уредите со 85,3% застапеност. На второто место се познатите iPhone уреди со оперативен систем „iOS“. Мобилните уреди на Samsung држат само 0,1% од застапеноста и 0,3% од уредите користат други оперативни системи. Во споредба од минатата година, статистиката ни покажува зголемување од 2,2% кај корисниците на „Android“ оперативниот систем и пад од 7,8% кај корисниците на „iOS“

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе