Connect with us

Македонија

Апел до граѓаните да не се стигматизираат и осудуваат луѓето кои се сместуваат во државен карантин

Media Press

Објавено на

Министерството за здравство и министерот Филипче апелираат до граѓаните да не се стигматизираат и осудуваат луѓето кои се сместуваат во државен карантин.

На вчерашната  редовна прес конференција, Министерот за здравство Венко Филипче упати порака до сите граѓани дека ова се времиња и ситуации во коишто не треба никој да биде стигматизиран, ниту заболените, ниту луѓето коишто се во карантин. Филипче потенцира дека луѓето во карантин се здрави луѓе, наши роднини и пријатели, а ова е модел којшто го штити колективното здравје и здравјето на секој граѓанин. Тие пристигаат во државата со организиран авионски превоз и со автобуси се превезуваат до хотелите кои се адаптирани во карантин.

„Се работи за наши граѓани кои се враќааат во својата земја од различни страни на светот. Во вакви моменти секој се чуствува најбезбедно дома, меѓу своите најблиски“ истакна Филипче.

„Овој модел мораме да го поддржиме, за доброто на сите. Ова се луѓе кои ги сместуваме во сосем добри, солидни услови и сите се прегледани. Постои процедура којашто се следи, начин како се постапува со луѓето коишто се сместуваат во карантините. Сите овие луѓе се прегледани од интернист и од епидемиолог, а досега нема ниту еден заболен од болеста од Ковид -19 вирусот. Неколку лица кои имаа симптоми на болест, се тестирани и истите се негативни, а кај нив е дијагностицирана настинка. Тие се исто така во рамките на тој карантин, но настрана од сите останати лица“, додава министерот Филипче.

Државниот карантин е задолжителен за сите наши граѓани кои се враќаат во земјата и истиот се спроведува се додека не завршат 14 дена, односно инкубациниот период на Ковид-19.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе