Земјоделие
МЗШВ: За првпат државното земјоделско земјиште се доделува транспарентно и законски
Објавено на
Од
Media Press
Министерството за земјоделство, шумарство и водостопанство во изминатите две и пол години спроведе транспарентна распределба на државното земјоделско земијште, согласно Законот за земјоделско земјиште, се вели во реакцијата од МЗШВ по обвинувањата од страна на дополнителниот заменик- министер Трипуновски, кога на прес конференција рече дека Трајан Димковски и СДСМ на криминален начин сакаат да поделат илјадници хектари државно земјоделско земјиште на свои партиски војници непосредно пред избори.
-Вкупно 2 огласи и 4 јавни повици за распределба на државно земјоделско земјиште се распишани во последните месец ипол дена, со кои спротивно на законски и подзаконски акти се предвидува можност за расцепкување на земјоделските парцели помеѓу повеќе лица. Димковски постапува во спротивност на неколку закони кој го регулираат земјоделското земјиште и Правилникот за избор на најповолен понудувач. Имено со постапките за доделување на земјоделско земјите Димковски го крши членот 3 став 6 од правилникот, со кој е предвидено дека неможе да се цепи една катастарска парцела, при што врши измена на правилникот на 22 јануари, еден ден пред завршување на постапките, вели Трипуновски на прес конференција.
Од МЗШВ со рекација: -Во врска со изнесените информации од дополнителниот заменик-министер за земјоделство, шумарство и водостопанство, Цветан Трипуновски, дека МЗШВ постапува незаконски во распределбата на државното земјоделско земјиште со последните 4 јавни повици и 2 огласи, ја информираме јавноста, дека посочените јавни повици и огласи се распишани по барање и според потребите на земјоделците и истите ќе бидат спроведени согласно сите позитивни законски одредби, за што и беа предложени соодветни дополнувања на Законот за земјоделското земјиште. Доделувањето на земјиште од 4 –те јавни повици ќе се реализира согласно законот, по завршување на распишаните предвремени парламентарни избори. Додека, 2-та јавни повици во транспарентна и законита постапка се завршени и за нив се веќе склучени договори.
За првпат државното земјоделско земјиште се доделува транспарентно и законски. Одлика на оваа Влада е да работи во интерес и за потребите на земјоделците.
Дополнителниот заменик- министер Трипуновски, веројатно заборавил дека токму денешната негова цитирана законска одредба, е непрекинатно прекршувана во периодот на ВМРО ДПМНЕ од 2008 до јуни 2017-та година, за што и се водат соодветни постапки против инволвирани во спроведувањето на повиците и огласите за распределба на државно земјоделско земјиште стои во рекацијата од МЗШВ.
Поврзани содржини
Земјоделие
Крмов: Власта ги уништува малите земјоделци за да ги помогне големите!
Published
5 месеци agoна
јуни 11, 2026By
Media Press
На собраниската расправа за интерпелацијата на министерот за земјоделие Цветан Трипуновски, пратеникот на Левица Борислав Крмов оцени дека по речиси две години мандат, Владата не само што не ги решила клучните проблеми во земјоделството, туку состојбата дополнително се влошила.
Според Крмов, најголемиот проблем не се аферите, ниту блокираните европски фондови, туку фактот што Македонија постепено го губи сопственото производство на храна.
Пратеникот потсети дека пред да стане министер, Трипуновски јавно зборуваше за неоткупениот ориз, намалениот сточен фонд и доцнењето на субвенциите. Денес, рече Крмов, речиси сите тие проблеми остануваат, а дел од нив се и продлабочени.
Во регионите каде се произведува ориз земјоделците и понатаму се соочуваат со ниски откупни цени кои не ги покриваат ниту основните производствени трошоци. Наместо развој и сигурност, производителите се принудени да продаваат под реалната вредност на својот труд, додека државата не нуди системско решение за нивните проблеми.
Особено загрижувачка е состојбата во сточарството. Бројот на овци, говеда и производството на млеко континуирано опаѓа, а сè повеќе фармери се откажуваат од дејноста бидејќи не можат да обезбедат одржлива заработка.
„Во Македонија практично му ставаме крај на овчарството.“, истакна Крмов.
Крмов посочи и на огромната разлика меѓу откупните и малопродажните цени на млекото. Додека производителите добиваат минимални средства за својот производ, граѓаните плаќаат сè повисоки цени во маркетите.
Најголем товар врз земјоделците претставуваат неисплатените субвенции и намалената финансиска поддршка. „Во моментов им должите на македонските земјоделци 70 милиони евра неисплатени субвенции.“, обвини Крмов.
Дополнително, Владата ги зголемува критериумите за добивање субвенции, што директно ги погодува малите производители. Повисоки прагови за добивање субвенции за овоштарите и лозарите. Построги услови за сточарите и пчеларите. Намалување на дел од субвенциите и ограничување на пристапот до државна поддршка.
Крмов кажа дека зад овие мерки стои јасна политичка определба, наместо да се помогне на малиот земјоделец, државата создава услови за дополнително окрупнување на производството и концентрација на земјоделското земјиште и профитот кај мал број големи стопанства.
„Малиот земјоделец го туркате или да стане наемен работник или да се исели од државата.“, рече Крмов.
Тој оцени дека Владата ги покрива сопствените буџетски неуспеси преку кратење на средства за најранливите категории граѓани, меѓу кои се и индивидуалните земјоделци.
Во услови кога Македонија има плодна земја, поволна клима и долга земјоделска традиција, земјата станува сè позависна од увоз на храна, додека домашното производство опаѓа. Наместо младите да гледаат перспектива во земјоделството, сè повеќе семејства се принудени да ги напуштаат нивите и фармите во потрага по друга работа или егзистенција надвор од државата.
Земјоделие
Трипуновски: Ограничена маржа на цената на ѓубривата за заштита на домашното земјоделско производство
Published
7 месеци agoна
април 21, 2026By
Media Press
Со цел да се спречи растот на цените и да се помогне на земјоделците и домашното земјоделско производство, денеска на 166-та владина седница, Владата донесе Одлука каде што се ограничува маржата на цената на вештачките ѓубрива.
Целта е да се обезбеди достапност до ѓубривата и да се заштитат земјоделците од растот на цените.
Станува збор за две одлуки кои што ќе стапат на сила и истите ќе се применуваат до 31.05.2026 година.
Првата одлука се однесува на сите правни и физички лица регистрирани за производство и трговија на големо и мало, кои прибавуваат и продаваат:
• неоргански ѓубрива;
• органски ѓубрива;
• органо минерални ѓубрива;
• биостимулатори, како и подобрувачи на својството на почвата.
Највисоката бруто профитна маржа на неорганските ѓубрива со оваа одлука кај сите трговски друштва и трговци поединци кои учествуваат во трговскиот ланец се утврдува во вкупен износ до 5% во трговијата на големо и во вкупен износ до 5% во трговијата на мало.
Додека пак највисоката бруто профитна маржа за органските ѓубрива, органо минерални ѓубрива, биостимулатори, од оваа одлука во трговијата на големо ќе изнесува до 10% и во малопродажба ќе изнесува до 10%.
Дополнително, се воведува обврска за континуирано снабдување на пазарот со вештачки ѓубрива. Трговците на мало се должни месечно да обезбедуваат и продаваат најмалку 70% од просечната количина што ја набавиле во 2026 година, додека трговците на големо се обврзуваат да ги снабдуваат трговците на мало со најмалку 70% од просечно продадените количини.
Целта на оваа одлука е да се спречат евентуалните недостатоци на пазарот, да се обезбеди редовна достапност на ѓубривата и да се заштитат земјоделците од неправилниот раст на цените.
Со втората одлука која што денеска е донесена, се ограничува растот на цените на ѓубривата на домашниот пазар, односно се корегира продажната цена за 10% намалување на залихите кои што ги имаат продавачите набавено по старите набавни цени.
Со овие две одлуки се прави стабилизација на цените на ѓубривата, односно нивна корекција, намалување, информира Министерот за земјоделство шумарство и водостопанство Цветан Трипуновски.
„Овие одлуки се донесени врз претходна консултација и разговор со регистрираните увозници на вештачки ѓубрива, но и по основ на претходно направена анализа од страна на Државниот пазарен инспекторат каде што беше констатирано дека има раст на цените.
Зголемувањата на цената на ѓубривата значи поскапо производство и притисок врз македонските земјоделци. Затоа целта на оваа одлука е да се стабилизира пазарот, да се намалат трошоците, како и да се заштити домашното земјоделско производство“, соопштува Трипуновски.
Земјоделие
Приведено лице од струмичко, подметнал пожар на нива, следува соодветна пријава
Published
1 година agoна
септември 17, 2025By
Media Press
На 16.09.2025 на регионален пат помеѓу селата Сарај и Петралинци, струмичко, полициски службеници од СВР Струмица го лишија од слобода С.В.(59) од село Дабиле, струмичко. Тој се сомничи дека околу 19:00 часот подметнал пожар на арско ѓубре во нива помеѓу селата Дабиле и Петралинци, сопственост на В.С.. Од екипа на Територијалната противпожарна единица Струмица пожарот е изгаснат, а повредени лица нема. С.В. е задржан во Полициската станица Струмица и во службен разговор го признал делото.
Запознаен е јавен обвинител од Основното јавно обвинителство Струмица, а увид на местото изврши екипа на СВР Струмица. По целосно расчистување на случајот, против лицето ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

