Connect with us

Конче

Општина Конче ќе ја добие првата градинка, со современи услови за прифаќање и престој на дечињата

Media Press

Објавено на

По тој повод дополнителната заменик министерка за труд и социјална политика Санела Шкријељ,  денеска беше во посета и заедно со градоначалникот Благој Илиев, изврши  увид на завршните работи на новата градинка во Конче.

-“Јавната  установа за деца, “12 Јули” е првата градинка во оваа општина со капацитет за околу 50 деца. Ова го очекуваа граѓаните на Општина Конче со години, можеби триесетина години наназад“, рече градоначалникот Илиев, кој притоа се заблагодари на Министерството за труд и социјална политика за подршката.

Станува збор за инвестиција вредна околу 70 илјади евра, а 5 илјади евра се донирани од Рудникот Бучим, за уредување и оградување на дворот на градинката,  додава градоначалникот Благој Илиев.  


“Продолжуваме со инвестициите бидејќи грижата за секое дете е врвен приоритет на оваа Влада. Градинките не се места само каде што се згрижуваат децата туку и место каде што го осознаваат светот и се воспитуваат. Од Буџетот на државата се издвоени 105 милиони денари за реконстрикција, опремување и изградба на детски градинки, а изминатите две и пол години беа инвстирани над 180 милиони денари. Дополнително обезбедени се и дополнителни 15 милиони евра од Светска банка за изградба на градинки. Како Влада се грижиме и за кадарот што се грижи за нашите деца и само во последната година платите на воспитувачите се зголемени за 21% што е најголемо покачување до сега”, рече Шкријељ.

 
Шкријељ во Конче ја посети и општинската канцеларија за социјални работи којашто е една од педесетте канцеларии коишто функционираат низ целата држава.

 “Преку локалните канцеларии како Влада обезбедуваме еднаков пристап на сите граѓани до социјалните права и услуги. Во пракса тоа ќе значи дека жителите нема да треба да патуваат до Центарот за социјални работи во поголемите места за да поднесат барање за користење на социјална помош и да остварат друго право од системот за социјална заштита, туку аплицирањето ќе може да го направат во местото кадешто живеат”, изјави Шкријељ.

Конче

Ловџија од Габревци, додека бил на лов на диви свињи, бил повреден со сачма од ловна пушка

Media Press

Published

на

На 07.11.2026 година во 13:48 часот во Полициската станица Радовиш, лекар од Итна медицинска помош Радовиш пријавил дека кај нив за укажување на лекарска помош било донесено лицето С.М. од село Габревци, општина Конче, кој додека бил на лов во атар на село Габревци бил повреден со сачма од ловна пушка.

На 07.11.2026 година С.М., заедно со Р.Р., И.Р., З.Р., М.Р., С.С. и С.Р., сите од село Гавревци биле во лов на диви свињи, на место викано „Трска“ атар на с. Габревци, при што И.Р. со еден патрон испукал кон дива свиња, а од истрелот една сачма го погодила С.М. во пределот на стапалото. Тој бил пренесен во Комплекс клиники „Мајка Тереза“ во Скопје.

Од страна на увидна екипа од ОВР Радовиш бил извршен увид на местото. Од И.Р.(43) од село Габревци биле одземени ловна пушка ,,Baikal M-155“ калибар 12 мм, ловна пушка „Ata Arms“ калибар 12 мм , дозвола за оружје, дневна дозвола за ловење и 6 патрони калибар 12 мм. Од С.С.(60) од село Габревци биле одземени ловна пушка ,,Zastava М-80“ калибар 12мм и дозвола за оружје. За настанот е известен јавен обвинител, а по документирање на случајот ќе биде поднесена соодветна пријава.

Прочитај повеќе

Конче

Општина Конче започна со изградба на летниковци на две локации

Media Press

Published

на

Општина Конче започна со изградба на летниковци на две локации, на барање на граѓаните за одбор и рекреација.

„Деновиве започнавме со изградба на летниковци на две локации – едната во м.в. „Дабјата“, во атарот на село Лубница, а другата ќе биде лоцирана на раскрсницата во близина на бензинската пумпа „Макпетрол“. Со изградбата на овие два летниковци се опфаќаат локации кои најмногу ги користат граѓаните, случајните минувачи и посетителите на Општина Конче“, истакна градоначалникот Златко Ристов.

Ристов вели дека овие летниковци се градат на барање на граѓаните, за да имаат каде да одморат во топлите летни денови. Општина Конче како што вели градоначалникот продолжува со создавање уредени и пријатни места за одмор и престој на своите граѓани и посетители.

Прочитај повеќе

Конче

Жител од Горни Липовиќ, држејќи секира во рака агресивно се однесувал кон вработени на Шумска полиција

Media Press

Published

на

На 15.08.2026 во 20:00 часот во село Горни Липовиќ, општина Конче,  полициски службеници од СВР Струмица-ОВР Радовиш го лишија од слобода С.В.(50) од село Горни Липовиќ.

Според пријавеното, тој околу 17:20 часот во атар на село Горни Липовиќ држејќи секира во рака агресивно се однесувал кон вработени на Шумска полиција, кои преземале службени дејствија. Лицето е задржано во Полициската станица Радовиш, а за настанот е запознаен јавен обвинител од Основното јавно обвинителство Радовиш.

По целосно документирање на случајот против С.В. ќе биде поднесена соодветна пријава.

Прочитај повеќе