Connect with us

Економија

Ангеловска: Пензискиот фонд стабилен, јануарската пензија повисока за 700 денари

Виолета | Media Press

Published

on

Пензискиот столб е одржлив, а со јануарската пензија околу 322 илјади пензионери ќе добијат покачување за седумстотини денари.  Министерката за финансии Нина Ангеловска во интервју за „Утрински брифинг“, вели дека вклучително со индексакцијата за зголемување на трошоците за живот пензиите во 2020 ќе пораснат за 900 денари, со што се очекува просечната пензија изнесува 15.500 денари, инфомрираат од министерството за финансии.

-Ова е категорија на население на која треба да се обрне внимание, која тука живеела, придонесувала за оваа земја. Ако 44 проценти од пензионерите или околу 140 илјади земаат пензија до 12 илјади или 12 илјади денари, сметам дека кога имаме економски раст, кога имаме проекција за раст годинава од 3,8%, кога имаме раст на минималната плата, треба да ги адресираме и овие граѓани, вели министерката.

Во однос на одржливоста на  пензискиот фонд, министерката вели дека приходите од придонеси во претходната година бележат раст за 10 проценти. Ова зголемување е и резултат на растот на вработеноста во државава, бидејќи во моментот имаме историски најниска стапка на невработеност, посочи министерката.

-Очекувам да има позитивни ефекти и поради зголемување на минималната плата и секако со сите мерки кои се реализираат ќе се зголемат приходите во пензискиот столб. Во однос на тоа дали е одржлив веќе ги кажав аргументите по однос на кои растат приходите. Во однос на оној непокриен дефицит кој се надополнува од страна на Буџетот – ако во 2018 изнесувал 16,5 милијарди денари, сега тој е 16,3 милијарди денари, што значи дека се работи на стабилизација. Стабилноста на пензискиот фонд е клучно за нашата економија, за нашата земја, бидејќи имаме популација која старее, вели министерката.

Економија

Од денеска можат да се поплнуват барањата за поддршка на плата за месец јуни

Виолета | Media Press

Published

on

Работодавачите и самостојните вршители на дејност од денеска можат да ги пополнуваат барањата за поддршка од Владата за месец јуни кој е поставен на системот е-даноци и ЕПДД на УЈП.

Согласно  измените и дополнувањето на Уредбите со законска сила за финансиска поддршка на работодавачите и самостојните вршители на дејност погодени од здравствено-економската криза предизвикана од коронавирусот, компаниите и самостојните вршители на дејност мерката 14.500 може да ја користат и во јуни 2020 година.

„За таа цел УЈП ги изготви и постави на системот е-Даноци  Образецот -БФП-ИП/1 со кои се побарува финансиската поддршка за исплата на плати за месец јуни 2020 за компании, и  го изготви и постави на системот Е-ПДД – Образецот БФС-СВД/1 со кое се побарува финансиската поддршка за исплата на плати за месец јуни 2020 за самостојните вршители на дејност“, соопшти УЈП.

Според податоците на УЈП  мерката за финансиска поддршка во месец април  ја користеле вкупно 19.696 работодавачи,  односно 5.707 самостојни вршители на дејност, додека во мај истата мерка ја користеле вкупно 19.730 работодавачи, односно 5.814 самостојни вршители на дејност .

Continue Reading

Економија

Со ставот „живеј денес и не мисли за утре“ се сложуваат дури четвртина од македонските граѓани

Александар | Media Press

Published

on

Во рамките на Регионалниот проект за техничка помош на ИНФЕ-ОЕЦД за финансиско образование на Министерството за финансии на Холандија, се спроведе анкета за мерење на нивото на финансиската писменост на возрасното население во седум земји од регионот.

Спроведено е истражување на ОЕЦД на нивоата на финансиска писменост во Југоисточна Европа однозно опфатени се Бугарија, Хрватска, Грузија, Северна Македонија, Молдавија, Црна Гора и Романија.

Според резултатите од истражувањето, 25 проценти од анкетираните лица го прифаќаат ставот „живеј денес и не мисли за утре“, 17 отсто од анкетираните се  неутрални и 51 процент не се согласуваат со таков начин на живот.

Истражувањето посветува посебно внимание на индивидуалната финансиска еластичност, клучен дел е загриженоста за финансиското однесување и ставови, издавање известувања за ставови за активно штедење и однесување. Целта е да се избегне задолженост и да се фокусира на долг рок.

Од резултатите на анкетата, земја со најголемо незадоволство е Грузија со 58 проценти, а земји со најзадоволни граѓани се Хрватска и Северна Македонија, каде само 36 проценти од возрасните искажале дека се незадоволни од нивната финансиска состојба.

Целосниот Извештај за „Финансиската писменост на возрасните во Југоисточна Европа“ можете да го погледнете на англиски јазик на следниот линк.

Continue Reading

Економија

Опфатени преку еден милион граѓани со МСИП – Проектот за подобрување на општински услуги

Александар | Media Press

Published

on

„Изминатава година преку 1.000.000 граѓани беа опфатени со МСИП – Проектот за подобрување на општински услуги. “ – Напиша министерката за Финансии, Нина Ангеловска на својата официјална фејсбук страница

Со проектот се финансираа капитални инвестиции во општините со цел да се подобри животот во нив, а истиот се спроведува од Министерство за финансии со поддршка од World Bank Republic of North Macedonia

Изминатите 12 месеци со проектот е започната или завршена изградба/реконструкција или набавка на:
– училишта во Гевгелија, Велес и Липково,
– градинки во: Центар, Кисела Вода и Гостивар
– детско игралиште и скејт парк во Ѓорче Петров и Илинден
– дом на култура во Демир Капија
– водоводи и канализација Кривогаштани и Гевгелија
– локални улици и патишта во Желино, Сопиште, Карпош, Радовиш, Демир Хисар, Кисела Вода, Шуто Оризари, Кавадарци, Василево, Кочани, Ѓорче Петров и Битола.
– механизација, општински возила и друга општинска инфраструктура во: Скопје, Демир Хисар, Василево, Крушево, Кривогаштани, Гостивар, Бутел, Дојран, Зрновци, Свети Николе, Охрид, Маврово и Ростуше, Делчево, Дебрца, Шуто Оризари, Чешиново и Облешево, Брвеница, Битола, Ново Село, Сопиште, Карпош, Кратово и Боговиње

Целта на МСИП е преку подобрување на општинските услуги во сите општини во земјава, да се подобрат условите за живеење на граѓаните 

Continue Reading