„Новогодишниот саем на книга 2019“ вчера свечено беше отворен
во општинската Библиотека „Браќа Миладиновци“ во Радовиш. 9 издавачки куќи нудат богат
избор на книги и стручна литература.
Пред присутните се обрати директорката на Библиотеката Иванка Соколова, а саемот за отворен
го прогласи секретарот на општина Радовиш Драги Стојанов.
Библиотеката „Браќа
Миладиновци“ од Радовиш за љубителите на пишаниот збор, оваа манифестација ја
организира по дванаесетти пат и има за цел да ја доближи книгата до читателите
особено до најмладата популација.
На саемот на книгата учествуваат неколку издавачки куќи меѓу
кои: Издавачки центар ТРИ, Просветно дело, Култура, Сакам Книги, Топер,
Антолог, Наша култура, Матица Македонска и Феникс. Сите учесници на саемот
нудат богат избор на книги и стручна литература, кои на читателите ќе им
понудат повеќе од 1000 наслови од својата програма, што претставува одлична
можност за посетителите да ја збогатат својата домашна библиотека по пристапни
и намалени цени. На најмладите читатели низ интерактивно дружење им беа
презентирани книгите: Календар на детството од Киро Донев и Детето со ѕвезда на
челото – збирка македонски народни приказни приредени од Ана Витанова
Рингачева. За важноста на книгата и развивањето на љубовта на децата кон
читањето зборуваше Ксенија Трајчева претставник од издавачката куќа „Просветно
дело“.