Connect with us

Валандово

Село Брајковци во валандовско ја доби првата детска градинка

Виолета | Media Press

Published

on

Градоначалникот на Општина Валандово Перо Костадинов и министерката за труд и социјална политика Мила Царовска денеска присуствуваа на отворањето на нова детска градинка во село Брајковци, валандовско, објект под ЈОУДГ „Калинка”, во којашто ќе бидат опфатени деца на предучилишна возраст од 4 околни населени места. 

„Денеска навистина сум среќна што Брајковци коешто е рурално место ја доби првата детска градинка. Овој објект во којшто инвестиравме 10,3 милиони денари ќе значи многу за раниот детски развој во овој регион. Министерството за труд и социјална политика заедно со локалните самоуправи изминатиот период забразано работеа на подобрување на условите кадешто престојуваат дечињата. Продолжуваме посветено да инвестираме во детската заштита, а со тоа како Влада да вложуваме во иднината на секое дете и на нашата држава. За идната година во Буџетот издвоивме 105 милиони денари за реконструкција, опремување и изградба на детски градини, а изминатите две и пол години инвестиравме над 180 милиони денари во вкупно 43 градинки. Дополнително обезбедени се 15 милиони евра грант од Светска банка за изградба на детски градинки по најсовремени стандарди“, рече Царовска на отворањето на градинката во Брајковци.

– Градинката во Брајковци беше изградена годинава и претставува комплетно нов и модерен објект, кој ги исполнува сите неопходни стандарди за квалитетен образовен процес и обезбедува современи услови за згрижување и престој на 40 деца од Бојмискиот реон. Средствата за изградба на оваа детска градинка се обезбедени од МТСП, рече градоначалникот Перо Костадинов.

Министерката заедно со градоначалникот исто така беа на увид на градежните работи на централната детска градинка „Калинка” во Валандово која е во завршна фаза од реконструкцијата во енергетско ефикасен објект, а го посети и Дневниот центар за деца со попреченост.

„Дневните центри коишто изминатиот период ги отворивме низ цела држава значат многу во локaлната заедница затоа што тие помагаат во исполнувањето на одредбите од Конвенцијата за правата на лицата со попреченост, кои се однесуваат на правото на самостојно живеење, лична мобилност, пристап до образование, здравствена заштита, рехабилитација и вработување. Развојот на ваквиот вид услуги на локално ниво ги следат индивидуалните потреби на секое дете и лице со попреченост и на нивните семејства. Овие сервиси се мост до другите системи на поддршка. Само така, можеме да обезбедиме целосно вклучување на лицата со попреченост во општеството“, рече Царовска.

Дневниот центар за деца со попреченост го посетуваат 9 дечиња на возраст од 3-14 години во 2 групи, а за нив се грижат неговател, дефектолог и наставник по одделенска настава.

прикажи повеќе
Advertisement

Валандово

Реализирани над 75 отсто од проектот за наводнување на јужна долина на Вардар – Втора фаза, Спасовски и Димковски во посета на Валандово

Виолета | Media Press

Published

on

Увид во градежните работи на Проектот за наводнување на јужната долина на река Вардар – Втора фаза извршија техничкиот премиер Оливер Спасовски, министерот за земјоделство, шумарство и водостопанство, Трајан Димковски и градоначалникот на Општина Валандово, Перо Костадинов.
Во изјавата за медиумите, премиерот Спасовски истакна дека проектот за наводнување на јужната долина на реката Вардар – Втора фаза, е од витално значење за валандовскиот регион и е еден од најзначајните капитални проекти во земјоделството.

„Најважно за земјоделците од реализацијата на овој проект, е дека кога ќе биде завршен ќе имаат драстично намалување на трошоците за вода и ќе се обезбеди навремено и квалитетно наводнување на нови 2.150 хектари земјоделска површина. Тоа се сериозни придобивки ако се знае дека сегашниот систем за наводнување е дотраен и земјоделците трпат загуби во своето земјоделско производство“, истакна Спасовски.

Спасовски потенцира дека проектот е вреден над 24,3 милиони евра и се очекува да биде завршен во мај 2021 година.

„Досега се изградени над 75 отсто од дистрибутивните мрежи, завршени се подготвителните работи на главниот цевковод, во тек се градежните активности на главната зафатна градба, таложниците, главната пумпна станица, препумпните станици, разделните шахти, шахтите за воздушни вентили и хидрантските шахти, и одобрена е опремата, која е во фаза на набавка и монтажа“, истакна министерот за земјоделство, шумарство и водостопанство, Трајан Димковски.



Тој објасни дека со изградбата на системот ќе се обезбеди наводнување на нови 2.150 хектари земјоделска површина на територијата на општина Валандово, поточно во населените места Удово, Јосифово и Пирава, вкупната вредност на проектот е над 24,3 милиони евра, од кои 30 отсто се обезбеди од буџетот на МЗШВ, а останатите 70 отсто, од Германската Развојна Банка (KfW), во форма на грант и на заем.

Градоначалникот на Општина Валандово, Перо Костадинов потврди дека сите работи на овој проект се изведуваат согласно претходно утврдениот план и пропишан квалитет.

„Овој систем ќе овозможи современ начин на наводнување, поголем квалитет на земјоделска обработка и континуирано снабдување со вода за наводнување на земјоделските површини во атарот на населените места Удово, Јосифово и Пирава. Овој проект е од капитален карактер за општината и значајно ќе го осовремени начинот на занимавање со земјоделство на овие простори“, рече градоначалникот Костадинов.

Тој на увидот на улицата која го поврзува населеното место Горна Мала со Јосифово и регионалниот пат Р-1105 потврди дека Јосифово добива комплетно нова улица со тротоарски површини, подобрена инфраструктура и нов урбан простор.



Continue Reading

Валандово

СВР Струмица поднесоа 77 кривични пријави, меѓу нив има и за 14 радовишани

Александар | Media Press

Published

on

СВР Струмица поднесе 77 кривични пријави против: Џ.Б.(56), А.М.(31), А.М.(38), М.Џ.(29), В.М.(24), А.Ф.(32), С.Ј.(19), М.Ш.(45), Ј.М.(41), Р.И.(37), Е.И.(36), С.А.(23), Б.Б.(21), Е.В.(53), Е.В.(20), К.Д.(16), сите 16 од Струмица.

По Шест лица од с.Банско и с.Василево, струмичко. Д.Ф.(24), Т.И.(39), Ѓ.С.(31), Д.Д.(29), А.А.(27), О.Р.(41), сите шест од с.Банско и С.И.(31), Т.А.(28), С.Ѓ.(31), С.Н.(21), Н.Н.(39), М.Х.(32), сите шест од с.Василево.

А.А.(23) од с.Старо Балдовци, струмичко, З.Ј.(43) од с.Просениково, струмичко, З.М.(47) од с.Радичево – Василево.

Од Радовиш кривични пријави добија 14 лица С.С.(22), А.Б.(25), Р.Ч.(68), Т.С.(40), О.О.(44), Ѓ.С.(43), Д.С.(41), Р.М.(32), С.П.(50), Е.А.(57), А.Ш.(28), Д.Б.(62), М.С.(30), Ц.С.(27).

Во Гевгелија има поднесено 31 кривична пријава Д.Т.(26), М.К.(45), С.М.(36), П.Т.(40), В.Ш.(49), Т.П.(23), Е.П.(29), Б.В.(46), Р.Ѓ.(38), С.С.(57), Е.Ѓ.(46), Б.Г.(67), М.Т.(58), Љ.Ј.(34), В.Т.(55), М.К.(50), А.Т.(29), Ѓ.Г.(40), Е.Д.(19), Л.А.(49), С.Д.(66), Р.Т.(67), З.Д.(54), И.А.(37), М.С.(46), М.С.(60), М.С.(48), Е.Ј.(45), К.П.(40), Ј.С.(39), Ж.Б.(19). и едно лице Т.И.(76) од Валандово

Сите кривични пријави се поради постоење основи на сомнение за сторени кривични дела „непостапување според здравствените прописи за време на епидемија“.

Пријавените не се придржувале кон воведената мерка за ограничено движење.

Continue Reading

Валандово

Костадинов: Во моментот во Општина Валандово две лица се позитивни на вирусот Ковид-19

Виолета | Media Press

Published

on

Градоначалникот на Општина Валандово Перо Костадинов апелира и повикува, сите граѓани дисциплинирано и безусловно да ги почитуваат препораките на Министерството за здравство.

„Нема потреба, ниту простор за паника, а уште помалку за шпекулации и за сензационализам. Апелирам, граѓаните и медиумите да се воздржат од ширење на непроверени и нерелевантни информации.

 На инфицираните наши сограѓани од вирусот Covid-19 им посакувам брзо и лесно опоравување.

 Благодарност до сите надлежни институции за ангажманот и за навременото постапување, како и до сите здравствени работници и припадници на МВР и ТППЕ – Валандово.

 Замолувам, преку личен пример, да покажеме високо ниво на свест, солидарност и емпатија. Јавното здравје е наша заедничка одговорност, и само од нас зависи, како пандемијата ќе се развива понатаму“, стои во апелот на градоначалникот Костадинов.

Continue Reading