Connect with us

Македонија

Од утре почнува саемот „Купи куќа, купи стан“

Виолета | Media Press

Published

on

Од утре 6 декември почнува саемот „Купи куќа, купи стан“, кој ќе се одржува во Скопје Сити Мол. Граѓаните ќе можат на едно место да добијат информации од Министерството за финансии, банките кои се во проектот и градежните компании, како да аплицираат за Проектот за субвенционирани станбени кредити од државата – „Купи куќа, купи стан“ којшто продолжува и догодина.

Со промените во проектот направени годинава, значително се подобрени условите за да можат граѓаните да дојдат до сопствен дом, со поддршка од државата. 

Годинава се доделени 97 станбени кредити во износ од 3,6 милиони евра а субвенционирани се 1,1 милион евра. Средства за проектот „Купи куќа, купи стан“ има предвидено во Буџетот за 2020 година информираат од одделение за односи со јавност при Министерство за финансии.

Саемот ќе трае до 8 декември.

прикажи повеќе
Advertisement

Македонија

Претседателот Пендаровски го врачи мандатот за состав на Влада

Виолета | Media Press

Published

on

Претседателот Стево Пендаровски, на предлог на Коалицијата „Можеме“, денеска му го врачи мандатот на Зоран Заев. Заев вети дека ќе биде премиер наредните 4 години и дека ќе состави нова демократска, политичка, одговорна, европска Влада, со институции кои уште повеќе и уште подобро ќе им служат на граѓаните.

„Врз основа на член 84, став 1, алинеја прва, а во согласност со член 90, став 1 од Уставот на Република Северна Македонија и предлогот на Коалицијата „Можеме“, за мандатор за состав на Влада на Република Северна Македонија го определувам Зоран Заев, претседател на СДСМ и пратеник во Собранието на Република Северна Македонија“, изјави претседателот Пендаровски.

„Денескa имам средба со претседателот на ДУИ, Али Ахмети. Имаме успех во многу аспекти, а имаме и прашања кои не се затворени, а се поприлично сериозни. Се надевам на успех, бидејќи граѓаните ни дадоа насоки кој со кого да преговара“, изјави Заев, додавајќи дека се подготвува да биде премиер во следните четири години.

„Очекувам дека за најмногу 20 дена од денес, Северна Македонија ќе добие ефикасна и посветена Влада која веднаш ќе се посвети на предизвиците кои ги носи пандемијата Ковид-19, Влада која од првиот ден ќе работи на обезбедување повеќе пари, повеќе услуги и подобар живот за секој наш граѓанин“ вели Заев.

Continue Reading

Македонија

За време на викендот нестабилно време со пороен дожд и грмежи

Виолета | Media Press

Published

on

Времето денеска сончево и топло со мала до умерена облачност и со слаб до умерен северен ветер. Попладне ќе има изолирана појава на нестабилност со краткотраен пороен дожд и грмежи, претежно во планинските подрачја. Минималната температура ќе биде во интервал од 12 до 21, а максималната ќе достигне од 28 до 36 степени. УВ=8

Во петок ќе преовладува сончево и топло време со мала до умерена облачност, а во попладневните часови ќе има локална појава на пороен дожд и грмежи. За време на викендот нестабилно ќе биде на повеќе места, а локално процесите ќе бидат поинтензивни во форма на невреме со пообилни врнежи, засилен ветер и услови за појава на град. Дневните температури ќе бидат во опаѓање.

Continue Reading

Македонија

Влез во Грција преку „Евзони“ од понеделник со нов протокол

Александар | Media Press

Published

on

 Министерството за внатрешни  работи ги известува граѓаните дека до граничната служба на граничниот премин „Богородица“, од страна на грчката гранична служба од граничниот премин „Евзони“ се добиени дополнителни информации за новиот протокол за влез во Грција на граничниот премин „Евзони“.

Почнувајќи од понеделник 17.08.2020 до понеделник 31.08.2020 часот, на граничниот премин „Евзони“, само во периодот од 06.00 до 22.00 часот по македонско време, влез во Грција ќе може да остварат само државјани на Република Грција, државјани на трети земји кои имаат регулиран престој во Грција, EULEX-дипломатски персонал и членови од нивните семејства, лица кои патуваат од медицински и бизнис причини, а кои претходно биле најавени и добиле одобрување за патување од Aмбасадата на Република Грција во странство, како и возачи на товарни возила. Сите овие лица за да остварат влез во Грција на преминот „Евзони“ потребно е да приложат негативен PCR тест за Ковид-19 од сертифицирана лабораторија на англиски јазик, не постар од 72 часа.

Исто така, останува обврската за претходна електронска најава и добивање на PLF документ (Passenger Locator Form).

Continue Reading