На одржаната средба во општинитата, Собрание на учесници едногласно го изгласаа предлог-
планот за распределба на земјоделско земјиште, како завршна фаза во постапката
за консолидација во катастарска општина Конче. Собранието беше оргазнирано од
страна на министерството за земјоделство шумарство и водостопанство, а со
подршка на проектот финасиран од Европската унија „МАИНЛАНД“ кој го спроведува ФАО. Целта на проектот е
решавање на проблемот со прекумерната расцепканост на земјоделските парцели и
нивно групирање со цел поефикасно земјоделско производство. Градоначалникот на
Општина Конче Благој Илиев изрази благодарност до сите учесници во проектот за
успешна реализација со надеш за реалзирање на уште вакви проекти.
Заменик министерот за земјоделие Благе Цветковиќ, кој
беше присутен на средбата, им честиташе на жителите од Општина Конче, за
успешно спроведениот прв проект за консолидација на земјоделско земјиште во
државата.Тој ја истакна заложбата на МЗШВ за спроведување на националната
стратегија за консолидација, окрупнување на земјоделско земјиште.
Конче беше избрано
за пилот подрачје за спроведување на консолидација на земјоделско земјиште по
принципот на распределба на земјишни парцели без промена на граници, на вкупна
површина од 28 хектари, расцепкано на 101 парцела. Во проектот се вклучија 26 сопственици
на земјоделско земјиште, заедно со државата вкупно 27.
Очекуваните позитивни ефекти во земјоделското производство,
кое е главна економска дејност на жителите во Конче и регионот, ќе придонесат
кон поголема економска исплатливост, поголеми и стабилни приходи на земјоделските стопанства и подобрување на
квалитето на живот на локалното население.