Connect with us

Македонија

Од 15-ти ноември – задолжително поседување на зимската опрема во возилата

Виолета | Media Press

Published

on

Од 15 ноември  почнува да важи задолжителната обврска за носење зимска опрема во возилата која ќе трае до 15 март.

Републичкиот совет за безбедност на сообраќајот на патиштата упати апел до возачите да бидат одговорни и да ја почитуваат законската обврска, иако временските услови сѐ уште се стабилни.

На возачите кои нема да ја почитуваат законската обврска им се издава платен налог со глоба во износ од 45 евра во денарска противвредност, односно им се регистрираат 25 негативни бодови. Воедно полициски службеник може да нареди прекин на натамошното движење на возилото, ако возачот не постапи според сообраќајниот знак за задолжително носење и употреба, како и во ситуација кога не постои таков сообраќаен. Ако зимските услови на патот не овозможуваат непречено и безбедно одвивање на сообраќајот,  односно задолжително да ја постави зимската опрема на возилото.

РСБСП апелира до возачите да направат зимска проверка и подготовка на своето возило, навреме да ја обезбедат потребната зимска опрема, секогаш да ја носат во своето возило и правилно да ја користат.

Под зимска опрема на моторни возила со дозволена маса која не надминува 3.500 кг. се подразбираат зимски пневматици на сите тркала со минимална длабочина на шарите од 4 мм. или летни гуми на сите тркала со длабочина од најмалку 4 мм, доколку возилото во приборот има синџири за снег.

Моторните возила со погон на четири тркала потребно е да имаат зимски гуми на сите тркала со минимална длабочина од 6 мм. или пневматици со летен профил на сите тркала со длабочина на шарите од најмалку 4 мм, ако во возилото има синџири за снег. – Во случај кога имаат постојан погон, синџири за снег треба да имаат најмалку за задната осовина, а во случај на преклоплив погон, синџири за снег треба да имаат најмалку на постојано вклучената осовина, информираат од МВР.

За возилата кои се потешки од 3.500 кг. како зимска опрема се сметаат зимски гуми со минимална длабочина на шарите од 6 мм или летни гуми на сите тркала со длабочина на шарите од минимум 4 мм, доколку во возилото има синџири за снег. Автобусите и товарните возила кои поради технички причини не можат да постават синџири за снег, треба да имаат зимски пневматици и припарен алат, односно лопата.

Зимски гуми се оние пневматици кои на својата бочна страна имаат ознака: „МЅ“, „М+Ѕ“, „М&Ѕ“ и знак на снегулка на стилизирана планина со три врва.

РСБСП со препорака: Користењето на соодветна зимска опрема во голема мера придонесува за  безбедно одвивање на сообраќајот  при зимски услови на патиштата. Согласно тоа, секој возач  треба да користи соодветна зимска опрема  пред се заради лична заштита, безбедно одвивање на сообраќајот и безбедно пристигнување на посакуваната дестинација.

Избори 2020

Заклучен избирачкиот список, право на глас ќе имаат 1.814.263 гласачи

Виолета | Media Press

Published

on

 Државната изборна комисија (ДИК) денеска го заклучи Избирачкиот список за предвремените парламентарни избори на 15 јули. Право на глас на изборите ќе имаат 1.814.263 гласачи

Во Избирачкиот список се содржани и лицата кои до денот на изборите ќе наполнат 18 години, како и сите наши државјани кои доколку допатуваат во земјата на денот на гласање ќе можат да гласаат. Гласањето ќе може да го остварат само оние лица со важечки лична карта или пасош. Најмногу гласачи има во Куманово, над 90 илјади а најмалку во општина Конче околу 2700.

На 13 јули гласаат лицата позитивни на Ковид-19, а на 14 јули болните, немоќните и хронично болните, кои за гласање можат да достават барање до ОИК најдоцна до 8 јули на полноќ. Позитивните на Ковид-19 тоа треба да го направат со полномошник.

Во изводите на Избирачкиот список се запишани еден милион 729 илјади и 189 лица. Лица кои се иселиле или работат во странство во посебните избирачки списоци се запишани 83.054 гласачи. Во посебниот избирачки список за лицата во затвор и во притвор се запишани 1.657 гласачи, во старските домови 357 и шест лица се водат како внатрешно раселени лица.

На 90 избирачки места во нашата држава има помалку од 10 гласачи и според Избирнот законик, овие избирачи ќе можат да гласаат на најблиското избирачко место.

Continue Reading

Економија

Од денеска можат да се поплнуват барањата за поддршка на плата за месец јуни

Виолета | Media Press

Published

on

Работодавачите и самостојните вршители на дејност од денеска можат да ги пополнуваат барањата за поддршка од Владата за месец јуни кој е поставен на системот е-даноци и ЕПДД на УЈП.

Согласно  измените и дополнувањето на Уредбите со законска сила за финансиска поддршка на работодавачите и самостојните вршители на дејност погодени од здравствено-економската криза предизвикана од коронавирусот, компаниите и самостојните вршители на дејност мерката 14.500 може да ја користат и во јуни 2020 година.

„За таа цел УЈП ги изготви и постави на системот е-Даноци  Образецот -БФП-ИП/1 со кои се побарува финансиската поддршка за исплата на плати за месец јуни 2020 за компании, и  го изготви и постави на системот Е-ПДД – Образецот БФС-СВД/1 со кое се побарува финансиската поддршка за исплата на плати за месец јуни 2020 за самостојните вршители на дејност“, соопшти УЈП.

Според податоците на УЈП  мерката за финансиска поддршка во месец април  ја користеле вкупно 19.696 работодавачи,  односно 5.707 самостојни вршители на дејност, додека во мај истата мерка ја користеле вкупно 19.730 работодавачи, односно 5.814 самостојни вршители на дејност .

Continue Reading

Македонија

Нови 126 случаи со Ковид-19, 48 оздравени пациенти и четворица починати

Александар | Media Press

Published

on

Во последните 24 часа се направени 1140 тестирања, а регистрирани се 126 нови случаи на ковид-19 во Скопје – 66 и Тетово – 19, а во останати градови состојбата е ваква: Куманово 6, Штип 15, Прилеп 3, Струга 2, Велес 2, Битола 1, Кавадарци 4, Гостивар 2, Пробиштип 2, Свети Николе 1 и Ресен 3.

Направените 1140 теста се преку: ИЈЗ –489, Авицена –106, Биотек –110, МАНУ -115, Клиника „Жан Митрев“ -180,  Систина  со PCR метода -120, ЦЈЗ Битола-20. Досега во земјата се направени вкупно 60.773 тестирања на Ковид -19. Денеска нема тестирања во рамките на скринингот.

Починати се 4 лица, по еден пациент од Скопје, Прилеп, Тетово и Гостивар.

Денеска Институтот за јавно здравје регистрира 48 оздравени пациенти: Скопје 43, Штип 1, Битола 1, Ресен 3

Досега во земјата се направени вкупно 60.773 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 6334, бројката на оздравени пациенти е 2475, на починати е 302, а во моментов бројот на активни случаи во земјата изнесува 3557.

Во изминативе 24 часа на Инфективната клиника се примени осум пациенти. Вкупно се хоспитализирани се 92 пациенти од кои 43 пациенти се на кислородна поддршка. Во болницата во Козле се хоспитализирани 23 возрасни пациенти, три деца позитивни и четири со појавени симптоми на Ковид-19. Во ГОБ „8 Септември“ се примени 18 нови пациенти, вкупно хоспитализирани се 140 пациенти. На респираторна машина се 11 лицца. Во болницата во Битола се хоспитализирани 45.

Continue Reading