Активната
транспарентност на министерствата и на општините и во 2019 година останува на
ниско ниво, иако е порасната во однос на лани. Стои во извештајот подготвен од страна на Центарот за граѓански
комуникации со поддршка на американскиот народ преку Агенцијата на САД за
меѓународен развој (УСАИД).
Процентот на исполнетост на обврските за проактивно
објавување на информациите кај сите 97 вклучени институции изнесува 56% (од
можни 100%) и е зголемен за 12,5 процентни поени во однос на лани (кога
просечно изнесуваше 43,5%). Трета година по ред, проактивното објавување
информации на министерствата е во пораст и тие се значително подобри од општините
кои, пак, по двегодишно влошување, првпат бележат подобрување во активната
транспарентност. Просечната активна транспарентност на министерствата изнесува
77,6%, додека на општините 51,7%.
Според
градацијата на активната транспарентност, најмногу институции, 42%, има во
групата со ’добра‘ транспарентност, а најмалку во најлошата група со ’многу
слаба‘ транспарентност. Битола го задржа севкупното прво место од лани, додека
од министерствата, годинава најдобро рангирано е Министерството за
земјоделство, шумарство и водостопанство, кое се наоѓа на второто место. Во
однос на регионите, Источниот Регион му го зазеде ланскиот примат на
Пелагонискиот Регион, додека Скопскиот Регион падна на последното место.
Најмалку информации и министерствата и општините објавуваат за финансиите, и
тоа министерствата 57%, а општините само 26% од информациите што треба да ги
објавуваат.
Истражувањето
е спроведено врз основа на претходно изработени методологија и структурирани
прашалници за состојбата на исполнетост на обврските за активно објавување на
информациите на интернет-страниците на институциите.
Според Индексот на активна транспарентност општина Гевгелија влегува во групата со многу
добра транспарнетност, Општините Струмицан Василево и Богданци влегуваат во
групата добра, Општините Радовиш и Валандово во Просечна транспарентност. Потоа
Општинте Дојран , Конче и Ново село во
групата слаба транспарентност .
Кога станува збор за одговор на барањата за слободен пристап до информациите од јавен карактер што им беа испратени на сите во ист ден и со иста содржина, општините одговориле во просек за 21 ден а министерствата за 34 дена. Но, за разлика од лани, кога одговориле сите институции, годинава дури 12% од институциите не одговориле на барањата. Се вели во извештајот подготвен од страна на Центарот за граѓански комуникации со поддршка на американскиот народ преку Агенцијата на САД за меѓународен развој (УСАИД). Мислењата изразени во овој извештај им припаѓаат на авторите и не ги изразуваат ставовите на Агенцијата на САД за меѓународен развој или на Владата на Соединетите Американски Држави.
Извештајот е преземен од:
http://www.ccc.org.mk/images/stories/ia2019mk.pdf?fbclid=IwAR2rzaCOKIdc_sp2PVHuM5QwD_rqgJi7tpwd5tYCY53hYXA8-vvfj-OP6sQ