Connect with us

Македонија

Со доаѓањето на септември, започна сезоната на правењето на традиционалниот ајвар

Media Press

Објавено на

Печење, лупење, мелење и неколку часови мешање се само дел од подготовката на оваа зимница. Обично за подготовка на ајварот се потребни околу 2 дена. Тој претставува посебен вид на салата, направена од црвени пиперки. Ајварот е еден од највкусните специјалитети и најголемите тајни на балканската кујна, и води потекло од Македонија.

И покрај поскапите пиперки годинава, домашниот ајвар сепак останува најевтината варијанта, ако не се земе предвид работната рака, односно вложениот труд.

Пресметките велат дека годинава една тегла домашен ајвар ќе чини околу 70 денари. До оваа сума се доаѓа кога се ќе се собере. Ако килограм пиперки чини 25 денари, а дозата е 50 килограми, само за главната состојка се потребни 1250 денари, за зејтин треба да се одвојот околу 350 денари, колку што чинат 5 литри. На оваа доза се потребни околу 20 модри патлиџани кои би чиниле околу 200 денари.

Отука вкупната сума достигнува околу 1800 денари. Од 50 килограми пиперки во просек се добиват околу 25 килограми ајвар. Што значи дека една тегла ќе чини околу 70 денари.

Сепак традицијата на правење на ајвар полека се напушта. Се помалку домаќинки се нафаќаат на мачната процедура, печење, лупење,  мелење и пржење, а една од причините е како што велат некои домаќинки, „децата не ни се овде“.

Ајварот се припрема на традиционален начин (на отворен простор – пиперките се печат на шпорет на дрва), поради што потребна е доста напорна рачна работа. Најчесто се подготвува кон крајот на летото и во почетокот на есента.

Во текот на подготовката, најпрво црвените пиперки (кои може да бидат и лути и благи) се печат, а потоа се ставаат во пластични ќеси за да набабрат, затоа што на овој начин потоа полесно може да се излупат.

Потоа следува внимателното лупење, при кое треба да се отстранат семките и собирањето во мрежести вреќи во кои пиперките ја поминуваат ноќта. Следниот ден тие се мелат и пржат на тивок оган. Секоја домаќинка различно го подготвува својот ајвар, но во суштина рецептите се слични. Така, некои во смесата додаваат мелени домати, некои моркови, а најчесто се користи модриот патлиџан, како најефективен додаток на традиционалниот ајвар.

Голем дел од семејствата веќе започнаа да купуваат готов ајвар по нарачка,  по цена од околу 250 денари.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе