Како што дознаваме од ЈП Национални Шуми -Подружница Плачковица и Територијалната Противпожарна Единица од Радовиш, пожарот е во месноста Готен и постепено навлегува длабоко во шумата, а во моментов гори над населените места Јаргулица и Подареш.
И покрај интервенцијата од ТППЕ од Радовиш и екипи од ЈП Национални шуми во гаснењето на пожарот со два авиони се фклучи и ЦУК но без успех вели директорот на ЈП Национални Шуми од Радовиш кој додава дека пожарот неможе да се стави под контрола, поради екстремно високите температури и тешко пристапниот терен. Претходно тој се протегаше меѓу населените места Покрајчево и Злеово а сега се издигна над Јаргулица и Подареш. Според првичните проценки добиени од ТППЕ Радовиш, опожарени се големи површини од шумска маса и ниско стеблести растенија но доколку не се локлизира ќе навлезе длабоко во шумата.
Од Национални
шуми апелираат и до локалното население да се вклучи во гаснењето на пожарот а
се апелира до граѓаните да бидат и повнимателни.
Се упатува апел до сите граѓани,
за поголема внимателност и совесно однесување и почитување на забраната за
движење во шуми и шумски предели како и дадените препораки да не се палат
стрништа и оган близу шумски површини.
И општина Радовиш со апел до граѓаните од
сите населени места за поголемо внимание во природа и при извршување на
земјоделски работи, за да не дојде до пожари.
-Дел од подрачјето на
општина Радовиш, се соочува со зачестена појава на шумски пожари и пожари на
отворен простор.
Како причинители се сметаат високите температури на воздухот и сушниот период,
но и невнимателноста на граѓаните и намерно подметнување, се вели во апелот од Општина Радовиш.
Според првичните проценки добиени од ТППЕ Радовиш, опожарени се
големи површини од шумска маса и ниско стеблести растенија.