Со тридневна активност Општина Радовиш и
општина Тетевен од Република Бугарија го
реалзираа заедничкиот проект „Заедно создаваме подобра иднина” од програмата „Европа за
граѓаните”. Во активностите беа вклучени вкупно околу 370 луѓе, претставници од
двете општини во сферите на: младинските организации, образованието, културата
и бизнис заедницата.
За таа цел делегација од околу 140 претставници од Општина Радовиш од неколку здруженија и фолклорни друштва, претставници
од локалната самоуправа заедно со градоначалникот Герасим Конзулов, и
претставници од бизнис секторот имаа тридневни активности во селото Рибарица, кое е
на десетина километри од Општина Тетевен, збратимена општина со Радовиш.
Задолжени за спроведување на проектот од
општина Радовиш беа Игор Чапов – советник за
култура и спорт и Борче Панов – советник за образование и работниот тим од
општина Тетевен.
Фолклористите
од општина Радовиш се вклучија во традиционалниот празник на народните обичаи
и изворната народна носија од општина Тетевен, којшто се реализира во селото
Рибарица, каде што сите гости на фестивалот имат можност да присуствуваат на Вечерта на
македонскиот фолклор но и да вкусат чорба од риба, приготвена на оригинален Тетевенски
начин. Свои настапи имаа Распеани Радовишани, Радовишнаки Етно, фолклорниот Ансамбал Китка од Ораовица и студиото за модерен балет
Газели од Радовиш.
Градоначалникот Герасим Конзулов изрази
благодарност до сите претставници кои ја претставија Македонија и Општина
Радовиш во најдобро светло а се заблагодари и на домаќините и организатори на
настанот, на Градоначалничката на Општина Тетевен Мадлена Бојаџиева, за убавиот
пречек.
Инаку
проектот е со вкупна вредност од околу 21
илјада евра и сите активности
поврзани со него се одржаа на територијата на општина Тетевен во периодот
од 18 до 21 јули, годинава.