Свет

ЕРДАГАНОВИТЕ ПОДАРОЦИ ,,ПИШТОЛ“ ги шокира лидерите на НАТО

„Контроверзните подароци вклучуваа и боева муниција, што предизвика безбедносни мерки и донации за музеи.“

Дипломатски шок по Самитот на НАТО: Ердоган на светските лидери им подари револвери со боева муниција

Необичниот подарок од турскиот претседател предизвика вистински логистички и безбедносен хаос кај повеќето делегации, принудувајќи ги премиерите и претседателите итно да ги деактивираат пиштолите или да ги донираат во воени музеи.

Белгискиот премиер Барт Де Вевер остана затечен кога по враќањето во својата земја од Самитот на НАТО во Анкара (одржан на 7–8 јули), ја отвори трислојната дрвена кутија – подарок од турскиот претседател Реџеп Таип Ердоган. На најгорниот дел забележал вистинско огнено оружје. Сфаќајќи дека ја поминал границата со пиштол, белгискиот премиер веднаш по слетувањето го предал подарокот на воената полиција на воздухопловните сили.

Ретко колекционерско парче со порака

Контроверзното оружје било скриен подарок што Ердоган наредил да се остави во официјалните возила на секој од лидерите. Станува збор за редок и висококолекционерски модел „Gümüşay“ .357 Magnum, произведен во 1990-тите од турската државна компанија за оружје „МКЕ“.

Во внатрешноста на кутијата, на турски и англиски јазик, е изгравирана пораката: „Gümüşay, првиот револвер произведен од нашата нација“. На цевката се изгравирани имињата на самите лидери, додека на ракофатот се наоѓаат полумесечината и ѕвездата од турското знаме. Покрај нив е оставена и картичка на која пишува: „Со почитување од претседател на Република Турција“.

Боевата муниција ги крена безбедносните служби на нозе

Она што дополнително ги шокираше светските лидери е фактот што во кутијата, покрај револверот, имало и шест парчиња боева муниција, што го прави оружјето веднаш функционално и бара ригорозни безбедносни процедури. Иако Ердоган во придружното писмо приложил специјална извозна дозвола, лидерите немаа подготвено соодветни документи за увоз во своите матични земји, каде што законите за поседување оружје се исклучително строги.

Британскиот премиер Кир Стармер прв јавно го спомена подарокот за време на прес-конференција во авионот. Поради строгите британски закони, тој ја отворил кутијата уште пред да се качи во авионот и го оставил револверот во Анкара, каде што ќе биде трајно деактивиран пред да се транспортира во Велика Британија. Истиот чекор го презедоа и германскиот канцелар Фридрих Мерц и холандскиот премиер Роб Јетен.

Од друга страна, некои лидери веднаш се пофалија на социјалните мрежи. Унгарскиот премиер Петер Маѓар објави фотографија со опис: „Добив специјален подарок“, додека литванскиот претседател Гитанас Науседа сними и видео од отворањето (unboxing).

Поуки од минатото и канадски јаворов сируп

Полскиот претседател Карол Навроцки го зеде пиштолот со себе, но веднаш ги презеде сите мерки за претпазливост, изјавувајќи низ смеа: „Не верувам дека некој ќе го повлече орозот“. Со ова тој направи алузија на инцидентот од 2022 година, кога тогашниот шеф на полската полиција случајно активираше гранатомет, подарок од Украина, во самата зграда на полицијата во Варшава.

Канадскиот премиер Марк Карни изјави дека Кралската коњичка полиција на Канада го презела подарокот пред тој воопшто да го види.

„Бидете сигурни, полицијата нема да дозволи никој да се приближи до пиштолот“, изјави Карни, додавајќи дека тој на Ердоган му подарил канадски специјалитет – јаворов сируп, па затоа констатираше дека „размената на подароци била малку небалансирана“.

Оружјето завршува во музеите како промоција на турскиот извоз

Поради комплицираните процедури за приватно поседување, најголем дел од овие револвери ќе завршат во музеи. Претседателката на Европската комисија, Урсула фон дер Лајен, потврди дека оружјето ќе биде онеспособено за пукање и донирано во воен музеј, а истото го најави и грчката влада за Воениот музеј во Атина.

Аналитичарите сметаат дека со овој несекојдневен потег Ердоган сакал агресивно да ја промовира моќната турска наменска индустрија. Имено, во рамките на овој Самит на НАТО за првпат се одржа и Форум на одбранбената индустрија.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

5 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago