Во општина Радовиш се одржа четвртата трибина во рамки на кампањата „Гласот што го слушаме – македонско најдобро”
Впо
општина Радовиш се одржа четвртата трибина во рамки на кампањата „Гласот што го
слушаме – македонско најдобро”.
-Дискутиравме за актуелната состојба и детално ја појаснивме Програмата за финансиска поддршка во земјоделството за 2026 година, истакна министерот за земјоделство шумарство и водостопанство Цветан Трипуновски кој беше дел од трибината.
На трибината беа присутни и Генералниот директор на ЈП Национални шуми, Здравко Трајанов, директорката на Агенцијата за финансиска поддршка во земјоделството и руралниот развој, Даниела Иротова Лазарева, градоначалникот на Општина Радовиш Љупче Почивалец, пратеничката во собранието Моника Трајанова и други претставници на институции, како и земјоделци и сточари од радовишкиот крај.
-Во наредниот период ќе продолжиме со посетите по општините, за да ги сослушаме полјоделците, овоштарите, сточарите, тутунарите. Заедно да ја постигнеме заедничката цел, да се зголеми домашното производство. Само преку партнерски однос можеме да креираме политики што ќе донесат резултати во земјоделството, вели Трипуновски.
Земјоделците се интересираа за начинот и условите за субвенции по различни гранки, бидејќи од годинава има одредени промени околу зголемување засеаниите површини со лозје, субвенции за тутун и друго.