Струмица

Родната Струмица и денеска му се поклони и му оддаде почит на претседателот Борис Трајковски, за се што направи за Македонија

На денешен ден пред 22 години во авионска несреќа загина македонскиот претседател Борис Трајковски. Родната Струмица и денеска му се поклони и му оддаде почит за се што направи за Македонија. Пред споменикот „Македонија“ во големиот градски парк подигнат во негова чест, се одржа пригоден настан на кој за животот и делото на претседателот Трајковски зборуваше градоначалникот на општина Струмица, Петар Јанков.

-Неговото дело и неговата визија до ден денес остануваат светол пример за државничка одговорност, мудрост и искрена посветеност кон граѓаните и кон иднината на Македонија. Тој беше лидер кој веруваше во дијалогот наместо поделбите, единството наместо во разликите и во надежта наместо стравот. Во најтешките моменти за држават, неговата смиреност и неговата длабока вера, беа столбот на стабилност и охрабрување. Како втор претседател на независна Македонија, избран во 1999 година, тој ја презеде функцијата во време на сериозни предизвици, регионални тензии, економски потешкотии и внатрешни политички кризи. За време на конфликтот во 2001 година, неговата улога беше клучна во смирувањето на состојбите и во поддршката на политичкиот дијалог, како единствен пат кон мир и стабилност, рече меѓу другото градоначалникот Јанков.

Градоначалникот Петар Јанков со членови на Советот на општина Струмица положи цвеќе пред споменикот „Македонија“, а тоа го направија и претставници на семејството Трајковски, Општинскиот сојуз на борците и нивните поддржувачи, претставници на политичките партии и основни и средни училишта.

Во одбележувањето на 22-годишнината од загинувањето на Трајковски се вклучија и рецитатори од Домот за деца и млади „Благој Јанков Мучето“, а традиционално Унијата на жени на ВМРО ДПМНЕ засади дрвце во големиот градски парк, во знак на почит кон ликот и делото на претседателот Борис Трајковски.

Media Press

Автор на инфорамцијата

Recent Posts

Поевтинуваат горивата

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари…

3 часа ago

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Во чест на еден од најзначајните великани на македонската национална и јазична мисла, Крсте Петков…

4 часа ago

Пензионерите од Василево добија пензионерски клуб

Викендов,  во Домот на културата, градоначалникот на општина Василево Славе Андонов, заедно со пензионерите, со…

5 часа ago

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија…

3 дена ago

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО…

3 дена ago

Општина Струмица денес ја одржа 18-та седница на Советот на општина Струмица

Нови развојни планови за Струмица, финансиска стабилизација и инвестиции во 2027 година! На денешната 18-та…

3 дена ago