ВМРО-ДПМНЕ ги осудува нападите врз новинарот
Видиновски кои се последица на бугарскиот национализам и шовинизам.
-Ги
осудуваме нападите врз новинарот Александар Видиновски, кои се последица на
бугарскиот национализам и шовинизам.
Нападот врз
новинарот Видиновски е напад врз слободата на говор и врз медиумите, од страна
на структури кои разгоруваат омраза, а се мотивирани од бугарскиот
национализам.
СДСМ
најостро ги осудува заканите и личните навреди кон новинарот Александар
Видиновски, кон граѓаните и директорот на Канал 5 Телевизија од бугарски
државјани.
-Говорот
на омраза, заканите и навредите се недозволиви, претставуваат атак врз целата
новинарска професија, слободата на говорот и слободата на информирање кои се
европски вредности.
Ги
повикуваме институциите да реагираат и да ги преземат сите мерки за
санкционирање.
Сите напади
како овој врз новинарот Видиновски го разјадуваат општеството и ја подгреваат
омразата, и мора веднаш да престанат.
Демократскиот
сојуз жестоко ги осудува примитивните напади и смртните закани врз новинарот
Александар Видиновски на социјалните мрежи и ја поздравува одлуката на Јавното
обвинителство да отвори предмет против сторителите на овие кривични дела.
-Во
општество каде што слободата на медиумите е загарантирана со устав и закон, а
новинарите имаат посебна улога при откривањето злоупотреби и креирањето јавно
мислење за потребата од владеење на правото, недозволени се закани врз нивниот
физички интегритет и загрозување на нивниот живот.
Новинарот Видиновски професионално си ги извршува своите новинарски задачи и со својата работа покажува дека не смее да има недопирливи луѓе или институции, домашни или странски, сеедно, за кои нема да важи законот во Македонија.
Инаку Видиновски беше цел на напади од бугарски државјани по објавеното видео за непрописно паркирани службени возила пред Бугарската амбасада во Скопје, со прашање дали законот важо подеднакво за сите.