СРАМЕН И ПОНИЖУВАЧКИ ОДНОС НА ОТКУПНИТЕ КОМПАНИИ ЗА ТУТУН, реакција на Националната земјоделска мрежа
Претседателот
на Националната земјоделска мрежа, Ѓорги Каракашев, остро реагира на состојбата
со откупот на тутунот од реколтата 2025 година, оценувајќи дека кај откупните
компании владее целосен хаос и срамен и понижувачки однос кон тутунарите.
„Како
Национална земјоделска мрежа внимателно ја следиме состојбата со откупот на
тутунот од реколтата 2025 година. За жал и покрај сите укажувања од наша и од
страна на тутунарите, кај откупните компании се случува општ хаос во откупот на
преостанатите количини на тутун.
Во отсуство
на реакција од страна на Министерство за земјоделие како и Земјоделскиот
државен инспекторат, а притоа грубо прекршувајќи ги сите законски обврски
повеќето откупни компании буквално се изживуваат со макотрпниот труд на
тутунарите.
ЈАВНО
ПОВИКУВМЕ под итно надлежните: Министерството за земјоделие, Земјоделскиот
инспекторат вклучително и Сојузот на земјоделски здруженија веднаш и безусловно
да излезат на терен и да ги преземат сите законски надлежности, но и
одговорности и да престане овој хаос и грубо изживување врз маката на
тутунарите.
На откупните
компании јасно и гласно им порачуваме дека со ваков манипулативен начин на
откуп и изживување со тутунарите на добар пат се да се уништи оваа стопанска
гранка која најмногу приход носи токму на нив и на државата, а најмалку на
тутунарите“, вели Каракашев.
Дека нивната монополска позиција и тоа како е разнишана, како доказ Каракашев ги
наведува примерите
од соседна Србија каде крупнолисен тутун од тип Вирџинија се откупува по цена
од над 300 мкд.
Националната
земјоделска мрежа најавува дека заедно со повеќе земјоделски здруженија
подготвува иницијатива со конкретни предлог-мерки, кои во наредните денови ќе
бидат доставени до Министерството за земјоделие. Целта е преку ново законско
решение за тутунот да се спречат идни манипулации и да се обезбеди сигурна и
просперитетна иднина за тутунарите.