Денеска во Владата беше потпишан договор за заем со Европската банка за обнова и развој (ЕБРД), со кој започнува системска обнова на возниот парк на ЖРСМ Транспорт АД Скопје.
Овој чекор претставува значајна инвестиција во железничкиот транспорт – сектор кој со децении беше занемаруван, а е од суштинско значење за економијата, извозот и европската иднина на државата.
Со особено задоволство се најавува вложување од 21 милион евра за набавка на пет нови електрични локомотиви, заедно со неопходни резервни делови. Договорот е резултат на темелна анализа за реалните потреби и оперативноста на МЖ Транспорт.
Оваа инвестиција е повеќе од набавка на локомотиви – тоа е вложување во економијата, во екологијата и во европската перспектива на Македонија. Железницата повторно се враќа на шините на развојот, со јасен план, одговорност и визија за модерна, поврзана и силна држава.
,,Денеска во Владата се потпиша договор за заем со ЕБРД за обнова на возен парк за потребите на ЖРСМ Транспорт АД Скопје.Денес зборуваме за нешто што со децении беше занемарувано, а е од суштинско значење за економијата, извозот и европската иднина на нашата државата, а тоа е железницата.Со особено задоволство објавуваме инвестиции во железничкиот транспорт во изност од 21 милион евра наменети за набавка на 5 нови електрични локомотиви заедно со неопходни резервни делови. На овој договор претходела темелна анализа за реалните потреби, функционалност и оперативноста на МЖ Транспорт.Ова е системска обнова на железничкиот сектор, инвестиција во економијата, во екологијата и во европската иднина на државата. Железницата повторно ја враќаме на шините на развојот – со план, со одговорност и со јасна визија за модерна, поврзана и силна Македонија“.