Пошумување на површината над Радовиш која во 2024 беше зафатена од пожарот
Деновиве на планината Плачковица над Радовиш се врши пошумување на опожарените површини од пожарот од минатото лето, но кој благодарение на брзата реакција на вработените од Подружница Плачковица и од ТППЕ од Радовиш беше локализиран за два дена.
„Од тој пожар беа зафатени 198 хектари уредена и неуредена површина, место на кое ние како ЈП “Македонски Шуми” или поточно ПШС “Плачковица” Радовиш ќе посадиме преку 40.000 садници јасен, јавор, бор и повеќе видови даб, истакна Заменик генералниот директор на ЈП “Македонски Шуми” Кире Михаилов кој беше дел од акцијата за пошумување.
Во месец март во Македонија имало околу 500 пожари што
покажува дека ништо не сме научиле од пожарите кои беснееја во земјава минатото
лето и кога речиси една третина од шумите беа пеплосани. Како ќе се однесуваме
оваа лето од нас зависи, додаде Михаилов кој аплира до граѓаните да бидат
совесни и одговорни во спротивно ниту авиони ниту хелихоптери нема да не спасат.
Овде блиску
до оваа површина се наоѓаат бунарите од кои градот Радовиш се снабдува со вода
за пиење а кои беа загрозени од пожарот минатото лето.
„Во
минатото, претходното раководство пуштало редовни сечи во близина на бунарите,
т.е. изворите за вода.
Ние како
ново раководство може да им ветиме на граѓаните дека она што е посечено од
претходната власт ќе го обновиме со пошумување и потсејување и нема да
дозволиме повеќе никакви сечи во одделите кои се кај бунарите“ додава
Михаилов.