Елеуса Фондација, организира хуманитарен Концерт на добрината во Босилово со цел да му помогне на Наце Ристов за лекување во Турција
Драги наши браќа и сестри, во моментов сме му најпотребни на Наце Ристов од Едрениково кој се наоѓа на лекување во Турција. Наце боледува од карцином на лимфните жлезди и веќе некое време се бори со оваа болест. Елеуса Фондација, со цел да помогне во собирање средства за неговото лекување, организира хуманитарен Концерт на добрината и сите собрани средства ќе ги донира за лекувањето на Наце. Повторно Ве замолуваме, сите заедно, да му помогнеме да се избори со оваа тешка и макотрпна борба и да ја извојува најголемата битка во својот живот. На 12 јануари 2025г. 18:00 часотДом на култура, Босилово.
,,Драги мои хумани луѓе ви благодарам што досега ме подржавте да успеам да дојдам на лекување во Турција.Но пак сте ми потребни бидејќи лекувањето чини повеќе од тоа што го кажаа на почетокот. Веќе сум примен во болницата во Турција, третманот што ќе го добивам се состои од хемотерапија и трансплатација на матични клетки од донор, со што сумата порасна. Лекарите почнаа со испитувања за да може да почнам со хемо побрзо, а потоа ќе видиме како ќе се одвиваат работите.Ве замолувам кој колку може да помогне за да се излекувам и да се вратам здрав и жив назад и да се радувам на семејството, на моите две златни ќеркички.” – Наце Ристов.