Утре во Културен дом во Конче ќе се одржи првата форумска сесија- „Зајакнување на општинските совети – фаза 2“
Во среда на 20 ноември во Културен дом во Конче ќе се одржи првата форумска сесија во рамките на проектот „Зајакнување на општинските совети – фаза 2“. Општина Конче ги поканува сите граѓани активно да се вклучат во форумските сесии и да учествуваат во изборот на проектите кои ќе бидат реализирани.
Во рамките на предвидените форумски сесии граѓаните ќе дискутираат за проблемите кои ги засегаат и ќе нудат решенија од кои ќе произлезат прокетни идеи за предлог проекти. Од овие идеи за предлог проекти учесниците на форумот ќе ги изберат оние проекти кои ќе бидат реализирани од проектниот фонд.
На последната сесија граѓаните ќе бидат информирани за реализацијата на избраниот или избраните проекти и за препораките. Темата за која ќе се подготвуваат проекти ќе ја изберат граѓаните на првата форумска сесија која ќе се одржи утре.
Градоначалникот на Општина Конче Златко Ристов ги поканува граѓаните да земат актино учество.
„Почитувани граѓани на Општина КОНЧЕ , Ве поканувам на првата форумска сесисија во рамките на програмата за,, Зајакнување на Општинските Совети” , подржана од Министерството за Локална Самоуправа , УНДП и Швајцарската Агенција за Обнова и Развој. Сите заедно да го дадеме најдобриот предлог проект кој ке биде во функција на сите граѓано на Општина Конче“ стои во поканта од градоначалникот Ристов.