Во тек е вакцинацијата против сезонски грип и досега во Радовиш се вакцинирале 600 лица.
Гужви и денеска пред ХЕС службата каде
се врши вакцинација што покажува дека има интерес кај граѓаните.
Вакцинацијата
против сезонскиот грип е незадолжителна и по желба на граѓанинот, но има интерес
и досега бесплатна вакцина примиле околу 600 лица, а очекуваме да се вакцинираат над 1000
лица од oпштините
Радовиш и Конче, вели доктор Вецка Арабаџиева од ХЕС Слубата во Радовиш.
Акој некој сака да се вакцинира, а не влегува во
ризичната група вакцинацијата чини 700 денари и досега во Радовиш се вакцинирале 15-тина лица.
Вакцинација
против сезонски грип е најефикасна мерка за превенција на грип, која спречува
појава на потешки форми, компликации и смртен исход особено кај ризичните групи
Бесплатната
вакцинација против сезонски грип е наменета за ризични групи во кои
спаѓаат:
- Стари лица (над 65 години)
- Лица со хронични заболувања
- Здравствени работници
- Бремени жени
- Деца на возраст од 6 месеци до
5 години
Министерството за здравство вчеар информира
дека досега над 61.000 граѓани се пријавиле за вакцинација против сезонски
грип, од кои над 19.000 веќе ја примиле дозата.
Од таму најавуваат дека во следниот период
мобилни тимови ќе започнат со вакцинација во домовите за стари лица.
Граѓаните се регистрираат за вакцинација директно во системот Мој Термин со пополнување на формата преку веб страницата –
vakcinacija.mk.
Согласно
распоредот предвиден во планот за вакцинација, по пат на смс добиваат информација за точниот датум и час
кога треба да се вакцинираат.
Набавени се
70.000 дози четиритипна вакцина против сезонски грип.