По повод годишнината од неговата херојска смрт, му се оддаде почит на великанот Ацо Караманов на местото на загинувањето кај Берово
„Во виорот на револуцијата за слобода на татковината на ова место падна, под ударите на фашистичките бајонети на 7 октомври 1944 година, поетот и борец Ацо Караманов, роден во Радовиш“. Ова стои на спомен обележјето на местото на загинување на револуционерот, во близина на с. Смојмирово- Берово.
Во организација на Центарот за култура ,,Ацо Караманов” и Општина Радовиш, а во соработка со општина Берово, по втор пат му се оддава почит на великанот Караманов на местото на загинувањето.
По повод годишнината од неговата херојска смрт цвеќе положија делегација од Општина Радовиш делегација од Општина Берово, и делегација од Центарот за култура ,,Ацо Караманов”, се поклонија пред спомен обележјето и заеднички, ја проследија културната програма во изведба на учениците од нижото музичко училиште во ОУ Никола карев од Радовиш, а беседа во чест на загинувањето на Ацо Караманов, читаа ученици од СОУ Коста Сусинов од Радовиш.
За ликот и
делото на Ацо Караманов зборуваа и поетот Борче Панов, писателот Доне Донев и професорот
Славчо Атанасов.
Со овој свечен чин, започнува и програмата за одбележување на ,,51-те Караманови поетски средби”, која ќе биде пропратена со многу содржини, посветени на ликот и делото на Ацо Караманов.