Градоначалникот на Општина Радовиш Ацо Ристов во Интервју за телевизија Кобра рече дека ние сме длабоко централизирана држава и тоа мора да се смени, притоа осврнувајќи се на проблемот со склучување на нови договори за снабдување со огревно дрво, за коj како што вели, граѓаните реагирале до него дека се ограничува склучување на договори на 3,5 метри кубни дрва.
„ Ние сме длабоко централизирана држава и одлуките ги
носи така наречено Скопје или државата. Некој да ти црпи национално богатство
од општината без да те прашува дали е многи или малку, тоа мора да се смени. Илјадници
кубици се извезуваат од Радовиш преку приватни компании додека граѓаните се
ограничени на 3,5 метри кубни дрва“ вели градоначалникот Ристов.
Тој исто така спомна дека во последните 6 години ЈП за Државни патишта има неисплатено 59 милиони евра кон општините за одржување и градење на локални патишта, а за што ќе била покрената тужба против ЈП преку ЗЕЛС.
Одговрајќи на новинарско прашање градоначалникот Ристов рече дека старата Стоковна куќа во Радовиш добива ново име и нова функција. Наскоро ќе биде објавен и јавен донаторски повик за собирање донации за целосна реконструкција на Стоковната куќа и претварање во еден сосема нов повеќенаменски објект во центарот на градот.