Одржана традиционалната манифестација „Спортист на годината“ во Радовиш
Во присуство на
голем број спортисти, тренери,
спортски работници и претставници од спортските клубови, како и претставници од
бизнис секторот во општина Радовиш, беше одржана традиционалната манифестација „Спортист на
годината“ во ресторан „Маг Марг“ во Радовиш
Со поздравен говор на почетокот на
присутните им се обрати Градоначалникот Ацо Ристов а потоа беа доделени Плакети
за посебно спортско достигнување во изминатата 2023 година.
Марко Ананиев од БК Бучим – Радовиш, доби признание за
најперспективен спортист – пионер, Глорија Тодоровска – УСК Никола Карев, доби
признание за спортистка на годината – кадети, Борис Колев – Муаи Таи Клуб
Комбат, спортист на годината – кадет, Миахило Илиев – БК Бучим – Радовиш, доби
признание за спортист на годината – јуниори, Александар Јермазов доби плакета за спортист на годината – сениори.
Посебни
спортски достигнување им беа доделени на Славче Јанев од ФК Детонит Плачковица,
Васе Спасов од БК Бучим – Радовиш за спортски работник за 2023 година, Ристо
Спасов – БК Бучим од Радовиш за спортски тренер на годината, Живко Андонов –
УСК Никола Карев за спортски работник за повеќегодишна работа, ЖФК Плачковица
за женска екипа на годината.
Фудбалски клуб Детонит Плачковица за спортска екипа на годината, Александар Јермазов – бодибилдинг признание за спортист на годината во категорија сениори, а признанија добија и Изабела Зајкова, како и Одбојкарската федерација на Македонија.