Ново детско катче во ЈЗУ Здравствен дом Радовиш за превентивна заштита и прегледи на најмалите и најмилите
Ново детско катче во Здравствен дом- Радовиш наменето за превентивна заштита и прегледи на најмалите и најмилите. Реконструирано и обновено детското советувалиште и конечно, прегледи, вакцинација и патронажни сестри, споени во едно, за комплетен преглед на секое новороденче и на дечињата во предшколска возраст.
Ова денеска го најави директорката Симона Цветаноски информирајќи ја јавноста дека одделот е веќе комплетиран и можат да се вршат комплетни прегледи.
Тим од млад лекар специјалист педијатар Стојанче Петров и медицинска сестра Данче Тодоровска, секојдневно ќе бидат на располагање зе прегледи на дечињата.
„Во службата за превентивна здравствена заштита вршиме прегледи на доенчиња и предшколски деца. Превентивната здравствена заштита се состои од вакцинации, патронажна служба, систематски прегледи на предшколски деца и прегледи на школси деца. Оваа година се пријавено околу 170 новороденчиња, само за споредба лани биле пријавени околу 210, што значи бројот на новороденчиња годинава во споредба со лани е намален за околу 50 дечиња“, вели д-р Стојанче Петров.
Д-р Стојанче апелира до младите родители да ги вакцинираат своите деца со МРП вакцина за да се спречи појава на епидемија.
Во ова прилика директорката
Цветаноски ги повика пензионерите да се јават на бесплатниот преглед на
простата за мажи закажан за во четврток.