Зелениот дел од младиот
кромид не треба да се фрла бидејќи содржи состојки кои се одлични за нашето
здравје.
Младиот кромид е богат со витамини и минерали, а одличен е и за заштита на
здравјето. Има антибактериски својства и штити од воспаленија, помага при
настинки, а добар е и за подобрување на варењето. Содржи витамини А, К и
Ц, додека како минерали содржи многу фосфор, калиум и калциум.
Зошто е добро да се јаде
млад кромид секој ден?
Го заштитува срцето – полно е со антиоксиданси кои го штитат телото
од оштетувања предизвикани од слободните радикали. Покрај тоа, кромидот
може да го задржи крвниот притисок во нормални граници и да го намали ризикот
од згрутчување на крвта.
Добро е за видот – штити од воспаленија и го намалува ризикот од
болести на очите. Содржи многу витамин А, кој е неопходен за добар
вид. Само еден кромид содржи околу три проценти од дневната потреба за
витамин А.
Ги зајакнува коските – витаминот Ц и К, со кои е богат млад кромидот,
се добри за заштита на коските. Само еден кромид содржи околу 20 отсто од
препорачаната доза на витамин К и околу два отсто од витамин Ц. И двете се
важни за густината и силата на коските. Недостатокот на овие витамини ја
зголемува можноста за развој на остеопороза и фрактури.
Го намалува
холестеролот – млад кромидот има
голем број на материи кои го намалуваат лошиот холестерол во
крвта. Неговиот зелен дел е многу здрав и освен што помага за намалување
на холестеролот, добар е и за враќање на покачениот шеќер во
нормала. Хромот присутен во кромидот има голем број здравствени
придобивки, од кои само една е превенцијата и контролата на дијабетесот.
За поубава кожа – му помага на телото во производството на
колаген, кој е важен за убава, здрава и затегната кожа. Колагенот е
одговорен за забавување на создавањето на брчки на лицето и го има во многу
креми.