Традиционално и оваа година, општина Радовиш и Македонската православна црква, Брегалничка епархија – Храм Св.Троица, ќе го одбележат чествувањето на патронот и заштитник на градот – Св.Спасо Радовишки. Во склопот на одбележувањето оваа година ќе бидат организирани и двете манифестации „МЕДЕН РАДОВИШ“ и „БЛИЗНАЦИ СМЕ ПОСЕБНИ СМЕ“.
Согласно програмата во петок, на Плоштад Св.Спасо Радовишки со почеток во 17:00 часот ќе биде отвoрена манифестацијата „МЕДЕН РАДОВИШ“ .
Од 17:15 час.-20:30 час. Промоција на локални производи од мед
Во сабот на 19 август 19:30 час. ќе се одржи манифестацијата „Близнаци сме – Посебни сме“ – Дефиле на близнаците од општина Радовиш од црковниот храм Света троица до плоштадот.
Во недела на 20 август во 18:00 час. Вечерна богослужба во храмот „Св.Троица“
18:45 час. Литија од храмот „Св.Троица“ до Плоштад „Св.Спасо Радовишки“
19:15 час. Молебен пред параклисот „Св.Спасо Радовишки“
Во 21 часот ќе се одржи Духовна академија во Храм Света Троица
Во понеделник на 21 август во 08:00 час. Света литургија во храмот „Св.Троица“ – Славски колач
Од православната црква и од Општина Радовиш ги покануваат граѓаните да бидат дел од традицијата за чествување на Свети Спасо Радовишки заштитник на градот Радовиш.