Нашите тела се составени
од најмалку 60 проценти вода, која нашите клетки ја користат за да комуницираат
едни со други, да доставуваат кислород поефикасно и да ги апсорбираат
хранливите материи. Водата исто така ги отстранува токсините од телото, ја
регулира температурата и ги штити ‘рбетот, кожата, очите и носот.
Во текот на денот, нормалните телесни
функции, како што се потење, одење во тоалет, па дури и дишење, природно
доведуваат до губење на вода. На крајот, правилната хидратација се сведува
на консумирање повеќе течности отколку што губите на дневна основа, пишува Real
Simple.
Но, дали знаевте дека храната што ја
јадете, а не само водата што ја пиете, исто така придонесува за вашето
целокупно ниво на хидратација и помага да се спречи дехидрација?
Хидратантно овошје со
висока содржина на вода
Лубеница
Покрај тоа што е преполна со витамин Ц и
растителни соединенија за зајакнување на имунитетот, освежителната лубеница
често се смета за едно од најхидратантните овошја, бидејќи содржи до 91 процент
вода.
Јагоди (и други бобинки)
Речиси секој вид на бобинки ќе ви обезбеди
големи количини на влакна. Јагодите се најхидрантните бобинки со содржина
на вода до 91 процент, а веднаш по неа следат капините со 88 проценти. Малините
исто така се наоѓаат на листата со 86 отсто вода, како и боровинките со 84
отсто.
Агруми, особено
грејпфрут и портокали
Не случајно цитрусно овошје обично се прави
сок. Грејпфрутот е цитрусно овошје со висока содржина на вода со до 91
отсто вкупна содржина на вода, додека портокалите содржат 87 отсто, пишува Real
Simple.
Праски и нектарини
Праските содржат и до 89 отсто вода, додека
нектарините не заостануваат со 88 отсто.
Ананас
Со до 86 проценти вкупна содржина на вода,
ананасот заслужува место на листата. Покрај неговиот хидратантен
капацитет, ананасот е полн со витамин Ц, а една шолја нуди над 100 проценти од
вашите дневни потреби, помагајќи ви да одржите здрав имунолошки систем. Ананасот
е исто така уникатно здрав по тоа што е полн со бромелаин, ензим кој помага во
варењето и апсорпцијата на протеините.
Јаболка
Јаболката се исклучително освежувачки и
задоволувачки и нудат 86 проценти вода.
Манго
Ова тропско овошје ќе ви помогне да ги
исполните вашите дневни цели за течности со висока содржина на вода од 83
проценти. Како и многу други хидратантни овошја, мангото е богато со
витамин Ц, како и со витамини А и Б6 за промовирање на имунитетот, здравјето на
очите и мозокот.