Општина Конче го одбележа својот празник,12 Јули, Петровден
Општина Конче денеска го одбележа празникот на општината 12 Јули Петровден. По тој повод беше организирано свечено пуштање во употреба на новоизградени објекти во Општина Конче. Свечено беа пуштени во употреба новоизградениот манастирски конак во манастирот Свети Стефан во Конче на кој веќе е завршена изградбата и преадаптираната новоизградена сала за венчавање и за одржување на седници на Совет во состав на Општинската зграда, по што градоначалникот Златко Ристов изврши прием на поканети гости.
На свечената седница на Советот на Општина Конче градоначалникот Златко Ристов спомна дел од реализираните проекти и проекти кои се во тек, по што беа доделени признанија и благодарници на повеќе правни и физички лица, за успешна соработка и промоција на општина Конче, на деловни соработници, спортисти и спортски клубови како и златна плакета на рудникот Боров Дол.
Во чест на 27 годишнината од востанувањето на Општина Конче неколку делегаци положија свежо цвеќе на спомен обележјето во Конче.
Програмата заврши со настап на културно уметнички друштва во дворот на манастирот Свети Стефан во Конче, каде беше организиран и натпревар во најдобро подготвена традиционална храна, кој по втор пат се одржува во организација на Здружението на жени Конечанка. Присутните имаа можност да вкусат од прекрасните традиционални специјалитети, а жири комисијата изврши избор на група за најдобро подготвена трпеза.