Општина Радовиш со градежни активности во наслените места, се градат улици во Подареш и во Ораовица
Општина Радовиш продолжува со градежни активности во наслените места. Завршена е дел од улицата покрај Основното училиште во Ораовица од каде честопати се случуваа поплави на училиштето и на централното подрачје на селото. Освен ова како што најави градоначалникот Ацо Ристов наскоро започнува и и проектот за уредување на речното корито во Ораовица.
Градоначалникот Ристов очекува во следните две години многу поинтензивна градба бидејки без проектна документација не може и да се гради.
При крај се и градежните активности на три помали улици во село Подареш, кои Општина Радовиш ги гради од сопствени средства, станува збор за споредни улици, а кои се нужни за граѓаните бидејќи цел живот се соочуваат со проблеми од поплави и кал.
Градоначалникот најави дека измената на Законот за концесиски надомест за минерални суровини е во собраниска процедура, откако че помине очекува дека Општина Радовиш ќе има поголем приход а со тоа и повеќе инфраструктурни проекти за следната година.
Тој спомна дека во Радовиш се легализирани 4.000 објекти без платени комуналии со законот за легализација кој го донесе државата, со што општината се соочува со недостаток на милионски средства за изградба на инфраструктура, а граѓаните бараат инфраструктура.