Инспекциите на терен, медицински отпад фрлен во планинскиот предел помеѓу селата Ињево и Дедино
Медицински отпад фрлен во планинскиот предел покрај регионалниот пат Радовиш -Конче помеѓу селата Ињево и Дедино.
По добиена информација од граѓанскиот сектор за загадување на животната средина со фрлање отпад во планинскиот предел помеѓу населените места Ињево и Дедино, денеска беше спроведена заедничка активност со државниот инспекторат за животна средина и Локалниот сектор за инспекциски надзор и беше извршен увид на лице место.
Покрај секоков вид на отпад кој дава грда слика на прекрасната природа, овој пат беше откриен и медицински отпад. Раководителот на Секторто за инспекциски надзор Томе Даневски вели дека се работи за нетоксичен медициснки отпад но сепак случајот ќе се истражува и отпадот ќе се дислоцира.
Тој апелира до граѓаните да бидат совесни и да не фрлаат отпад насекаде во природата, бидејќи се загадува животната средина.
Отпадот е откриен во текот на вчерашниот ден од граѓанскиот сектор, но Инспекцискиот надзор утврди дека тој е од поодамна на ова место.
Ваквиот и многу други видови на отпад се фрлани во блиската шума речиси на границата помеѓу двете општини Радовиш и Конче. Движејќи се по споредниот пат кој води во шумата се чувствува мирисот на расветана мајчина душичка и друг вид на планински чај, за потоа да ве пречека расфралниот отпад од двете страни на патот, по што се разочарувате од човечката постапка и негрижа за природата.