Благодарение на
бројните корисни материи кои го штитат организмот од разни болести, ова овошје
привлекува се поголемо внимание кај експертите. Плодовите се богати со бројни
минерали, витамин А, витамин Ц и калиум.
Некои хранливи
и вредни состојки на брусницата остануваат во џем, сок, пити и други слатки што
може да се направат од нив, но најкорисните материи ќе ги внесеме во организмот
доколку ги јадеме свежи или евентуално сушени без додаден шеќер и конзерванси.
Експертите преку бројни тестови утврдиле дека брусницата е многу корисна при
лекување на уринарна инфекција. Познато е неговото благотворно дејство во
лекувањето на простатата. Проантоцијанидините, соединенија со кои се богати
брусницата, се фатални за бактеријата ешерихија коли, бидејќи го спречуваат
нејзиното „закачување“ на површинскиот слој на матката и мочниот меур.
На сличен начин,
супстанците од брусницата влијаат на намалување на бројот на бактерии во усната
шуплина, а со тоа и на наслагите на забите. Врз основа на резултатите од
неколку тестови направени во лабораториски услови, експертите тврдат дека
соединенијата на проантоцијанидин имаат заштитна улога кога станува збор за
сериозни болести како што е ракот. Благодарение на неговата способност да ја
блокира оксидацијата на некои липопротеини, брусницата го штити срцето.
Бидејќи таквиот
процес во телото е еден од факторите на ризик за срцев удар, блокирањето на
оксидацијата на липопротеините со мала густина со консумирање брусница може да
се смета за превентивна мерка против срцеви заболувања. Исто така, брусницата е
добар сојузник во спречувањето на формирање на камења во бубрезите поради
високата содржина на корисни кисели материи во кои изобилуваат овие вкусни
бобинки.