Консултативен состанок со претставници од месните и урбаните заедници во Општина Радовиш, се бара решение околу погребалните услуги
По рекацијата на јавноста околу состојбата со гробиштата и погребалните услуги во Општина Радовиш, Градоначалникот Ацо Ристов заедно со директорот на ЈП Плаваја организираа консултативен состанок со претставници од месните и урбаните заедници во Општина Радовиш.
Градоначалникот Ристов им образложи на присутните дека од 1994 година бил воведен солидарен фонд за кој граѓаните плаќале по 90 денари на сметките од ЈП Плаваја за извршување на погребални услуги и управување со гробишта и тој функционирал се досега.
Но со новите законски измени од 2008 година на ЈП Плаваја им се одземаат надлежностите за погребални услуги и тоа треба да го прави фирма си лиценца за такви услуги. ЈП Плаваја можела да ги врши погребалните услуги се до избор на оператор за таа намена.
Градоначалникот Ристов рече дека Oдлука за солидарен фонд донеле граѓаните и само тие можат да ја укинат и затоа таа уште е во сила. Тој рече дека ако е потребно ќе се формира и претпријатие кое ќе биде исклучиво само за погребални услуги и ќе работи без профит, со цел да се постигнат најниските можни цени за погреб, се во интерес на граѓаните.
Во делот на законските нормативи околу Законот за гробишта и погребални услуги образложение даде директот на ЈП Плаваја Дејан Крстев, појаснувајќи и за самиот солидарен фонд како функционирал досега.
Инаку околу 3800 граѓани месечно плаќале свој придонес во солидарниот фонд и со тие средства донекаде се покривале трошоците за околу 20 погреби месечно, а некогаш и недостигале, појасни Крстев.
Присутнита имаа одредени предлози, но крајна одлука не беше донесена, со цел
тие да се консултираат со граѓаните кои што ги претставуваат, а на следниот
состанок ќе се донесе одлука.
Повеќето се сложија со предлогот солидарниот фонд да продолжи, со цел граѓаните да не се соочуваат со преголеми трошоци во моментот кога треба да се изврши погреб. Конечна одлука ќе се донесе на следниот сотанок кој ќе се одржи во среда, а дотогаш ќе продолжат консултациите со цел да се изнајде најдоброто решение.